08:31 / 18.10.2018
3 387

Sentyabr oyining eng yaxshi murabbiyi – Baxtiyor Ashurmatov

Sentyabr oyining eng yaxshi murabbiyi – Baxtiyor Ashurmatov
O‘zbekiston Professional futbol ligasi mavsum boshidan buyon oyning eng yaxshilarini aniqlash uchun o‘tkazib kelayotgan so‘rovnomasini davom ettiradi.

Mazkur so‘rovnomada PEPSI Superliganing 12 ta klubi bosh murabbiylari va sardorlari ishtirok etdi. Muxlislar ovozi PFL rasmiy sayti (www.PFL.uz)da o‘tkazilgan so‘rovnoma orqali qabul qilindi.

Ortda qolgan sentyabr oyida PEPSI Superligada 23-24-tur uchrashuvlari, shuningdek, O‘zbekiston kubogi-2018 chorak final hamda yarim final o‘yinlari o‘tkazildi. Mazkur uchrashuvlar davomida bir qator jamoalar barqarorlik namoyish etishdi. Bunda jamoalar ustozlarining xissasini alohida e’tirof etish joiz.

Xususan, AGMK jamoasining o‘z tarixida ilk bor mamlakat kubogi finaliga yo‘l olishida Baxtiyor Ashurmatovning beqiyos o‘rni bor ekanini so‘rovnoma natijalari ham ko‘rsatib turibdi. Eng ko‘p ovoz olgan Ashurmatov bu borada Shota Arveladze, Bahrom Xaydarov hamda Andrey Fyodorovni ortda qoldirib, sentyabr oyining eng yaxshi murabbiyi sifatida tan olindi.

Dasturlash foundation


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Yangiliklar » Sport » Sentyabr oyining eng yaxshi murabbiyi – Baxtiyor Ashurmatov