15:41 / 10.12.2018
3 352

Bokschi Vasiliy Lomachenko WBA kamari yoniga WBO kamarini ham qo‘shib qo‘ydi

Bokschi Vasiliy Lomachenko WBA kamari yoniga WBO kamarini ham qo‘shib qo‘ydi
Professional boksning yengil (-61, 23 kg) toifasida WBA kamari sohibi ukrainalik Vasiliy Lomachenko 9 dekabr kuni Nyu-Yorkdagi "Madison Square Garden" arenasida puertorikolik Xose Pedrasani mag‘lub etib, WBO kamarini ham qo‘lga kiritdi.

12 raund davom etgan jangda Lomachenko to‘liq ustunlik qildi. 11-raundda u raqibini ikki marta nokdaun holatiga tushirishga muvaffaq bo‘ldi. Yakunda hakamlar bir ovozdan 119-107, 117-109, 117-109 hisobida Lomachenko g‘alaba qozonganini e’tirof etishdi. Natijada Lomachenko yengil vaznda bir yo‘la ikkita kamar sohibiga aylandi.

Mazkur yutuq ukrainalik sportchi uchun professional boksdagi 12-g‘alaba (9 tasi nokaut) bo‘ldi. Bundan tashqari Lomachenko bitta jangda yutqazgan.

Ukrainalik bokschi ayni vaqtda vazn toifasidan qat’i nazar dunyoning eng kuchli bokschilari reytingida birinchi o‘rinda bormoqda.

arenda kvartira tashkent


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Yangiliklar » Sport » Bokschi Vasiliy Lomachenko WBA kamari yoniga WBO kamarini ham qo‘shib qo‘ydi