Yengil atletika bo‘yicha 8 karra Olimpiya va 11 karra jahon chempioni, yamaykalik Useyn Bolt futbolchilik faoliyatini yakunlaganini e’lon qildi. Afsonaviy sprintchi Avstraliyaning “Sentral Kost Meriners” klubida to‘p surayotgandi.
“Bu yaxshi tajriba bo‘ldi, menga jamoada bo‘lish yoqdi. Bu yengil atletikaga nisbatan o‘zgacha bo‘ldi, men jamoada ishtirok etayotgan vaqtimda chinakamiga zavq oldim”, deb aytgan 32 yoshli sportchi.
Bolt 2018 yil avgustda “Sentral Kost Meriners” bilan kelishuv imzolagan. Unga ko‘ra, Bolt jamoa bilan mashq qilib, professional shartnoma olish imkoniga ega bo‘lgan. Keyinroq “Makartur Saut Vest Yunayted” klubiga qarshi o‘yinda Bolt o‘z hisobiga 2 ta gol yozib qo‘ygan. Avstraliya klubi rahbariyati sportchi bilan shartnomani tuzmaslikka qaror qilgan.
Avvalroq Bolt Diyego Maradona murabbiylik qilayotgan, Meksikaning “Dorados” klubi bilan shartnoma imzolashi mumkinligi ma’lum qilingandi.
Bolt yengil atletikani Londondagi 2017 yilgi jahon chempionatidan keyin tark etgan. Yamaykalik 100 va 200 metrlik masofalarga yugurishda qatorasiga uchta Olimpiadada (2008, 2012, 2016) oltin medalni qo‘lga kiritgan yagona sportchi hisoblanadi. Uning hisobida shuningdek 100 va 200 metrga yugurishdagi amaldagi rekordlar bor. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Germaniyaning Knauf kompaniyasi Rossiyadan butunlay chiqib ketishini tasdiqladi
Germaniyada maktab o‘quvchilari ommaviy ravishda islom dinini qabul qilmoqda
Amerikalik olimlar barcha uchun birdek foydali jismoniy faollik turini aniqladi
Qaysi kundalik odatlar immunitet pasayishiga olib kelishini bilasizmi?
Sariqmi yoki yashil: qaysi turdagi banan foydaliroq?
Eron prezidenti jiddiy bayonot berdi: «Isroildan hech narsa qolmaydi»
Rossiya dunyodagi birinchi vodorod yoqilg‘ili avtomobilni taqdim etdi
HAMAS yetakchisi: Isroil Rafahga kirsa, Falastin xalqi oq bayroqni ko‘tarmaydi
