Osiyo Kubogi-2019 statistikasi (foto)

Yangi formatda, ya’ni 24 jamoa ishtirokida o‘tgan ilk musobaqada yangi chempion tug‘ildi. O‘z tarixida ilk marotaba finalga yo‘llanma olgan Qatar hal qiluvchi bahslarda umuman yutqazmagan Yaponiyani mag‘lub etishni uddaladi.

Yangi formatda o‘tgan Osiyo Kubogida 4 tadan jamoa 6 guruhga bo‘linishdi. Guruhdan birinchi va ikkinchi o‘rin sohiblari hamda eng yaxshi to‘rtta 3-o‘rin egalari nimchorak finalga yo‘l olishdi.

"A" guruhi: 1-o‘rin:BAA, 2-o‘rin: Tailand, 3-o‘rin: Bahrayn
"B" guruhi: 1-o‘rin:Iordaniya, 2-o‘rin: Avstraliya
"C" guruhi: 1-o‘rin:Janubiy Koreya, 2-o‘rin: Xitoy, 3-o‘rin: Qirg‘iziston
"D" guruhi: 1-o‘rin:Eron, 2-o‘rin: Iroq, 3-o‘rin: Vetnam
"E" guruhi: 1-o‘rin: Qatar, 2-o‘rin: Saudiya Arabistoni
"F" guruhi: 1-o‘rin: Yaponiya, 2-o‘rin: O‘zbekiston, 3-o‘rin: Ummon

Uchinchi o‘rin bilan guruhdan chiqqan jamoalar: Bahrayn, Qirg‘iziston, Ummon va Vetnam.

"E" guruhida uchinchi bo‘lgan Livan terma jamoasining ko‘rsatkichlari Vetnam bilan bir xil ko‘rinishga keldi. Natija va ko‘rsatkichlar bir xil bo‘lib qolgani uchun feyr-pleyga murojaat qilindi. Ya’ni, eng kam ogohlantirish olgan terma jamoaga ustunlik taqdim etilgani uchun Vetnam so‘nggi soniyalarda nimchorak final yo‘llanmasini hal etdi. Bu yo‘lda Livanga KXDR bilan bo‘lgan uchrashuvdagi sariq kartochkalar to‘sqinlik qilib qoldi. Shuningdek, "B" guruhida 2 ochko bilan uchinchi bo‘lgan Falastin ham o‘z yurishini to‘xtatishga majbur bo‘ldi.

Guruhda qolib ketgan jamoalar ro‘yxati: KXDR, Livan, Falastin, Suriya, Filippin, Turkmaniston, Yaman va Hindiston.

Uchinchi o‘rin orqali nimchorak finalga chiqqan jamoalar ichidan faqatgina Vetnam chorak final masalasini hal etishga muvaffaq bo‘ldi. Qolgan jamoalar esa nimchorakdayoq to‘xtashdi.

Ma’lumot o‘rnida (guruh bosqichi statistikasi):
Guruh bosqichida umuman gol o‘tkazmagan jamoalar: Iordaniya, Eron, Janubiy Koreya va Qatar.
Eng ko‘p gol urgan jamoa: Qatar (10)
Eng ko‘p gol urgan futbolchi: Al Moyez Ali (7)
Eng ko‘p seyv amalga oshirgan darvozabon: Amir Shafi (15)
Guruhdagi barcha o‘yinda g‘alaba qozongan jamoalar: Yaponiya, Qatar va Janubiy Koreya
Umuman ochko olmagan jamoalar: Yaman, KXDR, Filippin, Turkmaniston
O‘tkazilgan o‘yinlar: 36
Urilgan gollar: 96 (o‘rtacha: 2,67)
Muxlislar tashrifi: 370,287 (o‘rtacha: 10,286)

Guruhda peshqadam bo‘lgan jamoalar orasidan faqatgina Iordaniya chorak final masalasini hal eta olmadi.



Yarim finalga esa o‘z guruhida peshqadamga aylangan jamoalar yo‘l olishdi - Eron, BAA, Yaponiya va Qatar.
Qizig‘i, Iordaniya terma jamoasi o‘yinda umuman yutqazmagan holda musobaqani nimchorak finaldayoq tugatishga majbur bo‘ldi. Vetnamga qarshi bahsda iordaniyaliklar penaltilar seriyasida mag‘lub bo‘lishdi.

Osiyo Kubogi sohibiga aylangan Qatar terma jamoasi musobaqa davomida raqiblar darvozasini eng ko‘p ishg‘ol etdi - 19.
Qayd etish kerakki, Ali Almoyez Osiyo Kubogi rekordchisiga aylandi. Bir musobaqada eng ko‘p gol urgan eronlik hujumchi Ali Daining rekordini yangiladi. Ali Dai Osiyo Kubogi-1996da raqiblar darvozasini 8 marotaba "o‘qqa" tutgandi. Ali Almoyez esa o‘tkazilgan 7 o‘yinda 9ta gol kiritishni uddaladi.

Qatar terma jamoasi yarim himoyachisi Akram Afif ham fantastik samaradorlik ko‘rsatdi. Afif musobaqada 10ta golga assistentlik qildi. Qit’a chempionatlari tarixida hali hech kim bunday ajoyib ko‘rsatkich qayd etmagan.


Osiyo Kubogi o‘yinlarida jami 644307 tomoshabin tashrif buyurdi. Bu har bir uchrashuvga o‘rtacha 12633 tomoshabindan to‘g‘ri keladi.

Qiziq fakt: O‘zbekiston terma jamoasini Osiyo Kubogidan chiqarib yuborgan hech bir jamoa o‘sha musobaqada g‘oliblikni qo‘lga kirita olmagan: (2004-Bahrayn, 2007-Saudiya Arabistoni, 2011-Avstraliya, 2015-Janubiy Koreya, 2019-Avstraliya)

Osiyo Kubogining eng yaxshi futbolchisi - Ali Almoyez (Qatar)
Osiyo Kubogi to‘purari - Ali Almoyez (Qatar) 9 gol
Osiyo Kubogining eng yaxshi darvozaboni - Saad Al Sheyeb (Qatar)

Osiyo chempioni - Qatar


Manba: championat.asia “Zamin” yangiliklarini “Facebook”da kuzatib boring