O‘zbekiston terma jamoasi darvozaboni Ignatiy Nesterov taqiqlangan moddalar iste’mol qilganlikda gumonlanib, OFK tomonidan chetlatilgan bo‘lishi mumkinligi haqida xabar berilgandi. Ushbu vaziyat borasida O‘zbekiston futbol assotsiatsiyasi rasmiy bayonot berdi. Quyida bayonot matni to‘liqligicha keltiriladi.
Haqiqatan ham, Osiyo futbol konfederatsiyasi tomonidan O‘zbekiston milliy terma jamoasi darvozaboni Ignatiy Nesterovdan Osiyo Kubogi doirasida olingan tahlillar natijasida uning qonida taqiqlangan modda aniqlangani haqida rasmiy xat O‘zbekiston futbol assotsiatsiyasi va Nesterov ayni paytda to‘p surayotgan Saudiya Arabistonining « Uhud» klubiga rasmiy xat yuborilgan. Ammo mazkur xatda bu masala bo‘yicha hozirda OFK Tartib-intizom qo‘mitasi ish olib borayotgani, hali yakuniy qaror qabul qilinmagani, ungacha esa bu ma’lumotni oshkor qilmay turish so‘ralgan. Tabiiyki, yakuniy qaror qabul qilingunga qadar Ignatiy Nesterov hech qaysi jamoa tarkibida maydonga tusha olmasligi ham xatda ma’lum qilingan.
Shunga qaramay, «Uhud» klubi o‘zining ijtimoiy tarmoqlardagi sahifalarida bu ma’lumotni ommaga oshkor qilib, Nesterov doping qabul qilgani tufayli OFK tomonidan chetlatilgani haqida xabar tarqatdi. Bu esa professional klub maqomiga to‘g‘ri kelmaydigan holatdir.
Terma jamoa shifokorlari Ignatiy Nesterov bilan bu masalada suhbatlashishganda, Nesterov Osiyo Kubogi davomida terma jamoa shifokorlarining ruxsatisiz va ularni ogohlantirmay vazn tashlashga yordam beruvchi dori qabul qilgani ma’lum bo‘ldi. O‘FA Ignatiy Nesterovning bu xatti-harakatini qoralaydi, shu bilan birga futbolchining ataylab taqiqlangan moddalarni qabul qilish maqsadi bo‘lmaganini, bu dori tarkibidagi ba’zi moddalar taqiqalanganini bilmaganini ma’lum qiladi.
Vazn tashlash boks, kurash kabi sport turlarida sportchiga natijaga erishish uchun yordam berishi mumkin, ammo futbolda bu holatning natijaga erishishga umuman ta’siri yo‘q. OFK mana shu jihatlarni ham o‘rganib chiqib, Tartib-intizom qo‘mitasi yig‘ilishidan so‘ng yakuniy qarorni qabul qiladi. Ungacha esa barcha ommaviy axborot vostilaridan Ignatiy Nesterov bo‘yicha xabar yozayotganda mana shu jihatlarga e’tibor qaratish so‘raladi. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Ramzan Qodirovning 19 yoshli qizi medal bilan taqdirlandi
Qaysi kundalik odatlar immunitet pasayishiga olib kelishini bilasizmi?
Germaniyaning Knauf kompaniyasi Rossiyadan butunlay chiqib ketishini tasdiqladi
Damas uchun onlayn kontraktatsiya ochiladi
Germaniyada maktab o‘quvchilari ommaviy ravishda islom dinini qabul qilmoqda
Rossiya dunyodagi birinchi vodorod yoqilg‘ili avtomobilni taqdim etdi
Amerikalik olimlar barcha uchun birdek foydali jismoniy faollik turini aniqladi
Eron prezidenti jiddiy bayonot berdi: «Isroildan hech narsa qolmaydi»