09:14 / 04.04.2019
2 880

"Real" safarda "Valensiya"ga yutqazib qo‘ydi (video)

"Real" safarda "Valensiya"ga yutqazib qo‘ydi (video)
Ispaniya chempionatining 30-turidan o‘rin olgan "Valensiya" – "Real" uchrashuvi o‘z yakuniga yetdi. “Mestalya” stadinida bo‘lib o‘tgan o‘yinda mezbonlar ishonchli g‘alabani qo‘lga kiritishdi.

O‘yin teng kurashlar ostida boshlandi, biroq birinchi bo‘lib gol urish mezbonlarga nasib etdi. 35-daqiqada “Valensiya” futbolchilari standard vaziyatdan so‘ng yuzaga kelgan xavfli hujumni gol bilan yakunlashdi.

Jarima maydoni chizig‘i yonida to‘pni qabul qilib olgan Gonsalu Gedesh kuchli zarba bilan darvozani ishg‘ol qildi. Ushbu goldan so‘ng madridliklar faollikni oshirishdi, biroq maydon egalarining himoyasini yorib o‘tish ularga nasib etmadi.

83-daqiqada Esikel Garay burchakdan uzatilgan to‘pni boshi bilan darvozaga yo‘llab, jamoasining ikkinchi golini urdi. Hakam tomonidan qo‘shib berilgan vaqtda Karim Benzema hisobni qisqartirishga muvaffaq bo‘ldi.

Shu tariqa, “Valensiya” ushbu g‘alabadan so‘ng ochkolarini 46taga yetkazib olgan holda beshinchi o‘ringa ko‘tarilib oldi, “Real” (57) esa uchinchi o‘rinda bormoqda.

Valensiya – Real Madrid 2:1 (1:0, 1:1)
Gollar:
1:0 – 35 Gedesh, 2:0 – 83 Garay, 2:1 – 90+3 Benzema.
Valensiya – Neto, Gayya, Garay, Diakabi, Gedesh (Cherыshev, 73), Vass, Soler (Ferran Torres, 80), Parexo, Kondogbia, Rodrigo, Gameyro (Santi Mina, 85).
Real Madrid – Navas, Marselo, Ramos, Varan, Odriosola, Kroos (Isko, 64), Kazemiro, Asensio (Beyl, 64), Modrich, Vaskes (Dias, 78), Benzema.
Ogohlantirishlar: Vass (5), Odriosola (64), Parexo (65), Marselo (76).

arenda kvartira tashkent


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Yangiliklar » Sport » "Real" safarda "Valensiya"ga yutqazib qo‘ydi (video)