Superliga 7-tur doirasidagi "Navbahor" - "So‘g‘diyona" (3:1) uchrashuvidan keyin mehmonlar ustozi Ulug‘bek Baqoyev o‘yin haqidagi fikrlari bilan o‘rtoqlashdi.
"Navbahor" jamoasini g‘alaba bilan tabriklayman va kelgusi o‘yinlarda bugungi raqibimizga omad tilaman. O‘yin taqdiri birinchi bo‘limdayoq hal etildi. Tezkor gol va ikkinchi o‘tkazib yuborilgan gol barchasini barbod qildi. "Navbahor" bizdan ko‘ra tezkor harakatlandi. Futbolda hech kim bunday holatlardan sug‘urtalanmagan. Kim gol ursa yutadi.
Tanaffusda futbolchilarni ruhlantirishga, 3:0 hisobi bu hali mag‘lubiyat emasligini ta’kidladim. Avvalambor o‘zlarini hurmat qilishlarini so‘radim. Ikkinchi taymda o‘yin biroz yaxshilandi. Lekin natija hammasini ko‘rsatib turibdi. Birinchi bo‘limdayoq uchta gol o‘tkazib yuborish ko‘p. Buni qabul qilish esa oson emas. Sabr qilgan holda kelgusi o‘yinlarga tayyorgarlik ko‘ramiz.
Mag‘lubiyatda aynan kimnidir ayblashni istamayman. O‘yinni chuqur tahlil qilamiz va tegishli xulosaga kelamiz. Hozir hech kimni ayblamoqchi emasman.
"Navbahor"ga doim yaxshi munosabatda bo‘lganman. O‘ynagan davrimda yoqimli xotiralar qolgan. Bu yerdagi muhit va jamoa yaxshi. Har bir murabbiy o‘z falsafasi va uslubiga monand seleksiya ishlarini olib boradi. Hozir esa qo‘l ostimdagi futbolchilardan foydalanishga to‘g‘ri keladi. Transfer bozori paytida o‘zimizga kerakli futbolchilarni jalb etish borasida rahbariyat bilan gaplashamiz", - dedi Ulug‘bek Baqoyev.
Manba: championat.asia “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Damas uchun onlayn kontraktatsiya ochiladi
Rossiya dunyodagi birinchi vodorod yoqilg‘ili avtomobilni taqdim etdi
Germaniyaning Knauf kompaniyasi Rossiyadan butunlay chiqib ketishini tasdiqladi
Germaniyada maktab o‘quvchilari ommaviy ravishda islom dinini qabul qilmoqda
Vladimir Putin «Krokus»da sodir etilgan terakt uchun o‘ch olishga chaqirdi
Amerikalik olimlar barcha uchun birdek foydali jismoniy faollik turini aniqladi
O‘zbekistonda o‘tgan uch oyda qancha avtomobil ishlab chiqarilgan?
Crocus teraktida ayblanayotgan tojikistonlik Dalerjon Mirzoyevning ota-onasi o‘g‘li haqida gapirdi
