10:53 / 15.05.2019
2 951

Shahobiddin Zoirovning navbatdagi jangi muddati va raqibi aniq bo‘ldi

Shahobiddin Zoirovning navbatdagi jangi muddati va raqibi aniq bo‘ldi
18 may, shanba kuni professional boksning ikkinchi yarim yengil (-55,34 kg) vazn toifasi vakili o‘zbekistonlik Shahobiddin Zoirov (1 ta g‘alaba, 1 ta nokaut) o‘zining ikkinchi jangini o‘tkazadi. Bu haqda GoSport xabar berdi.

Daniyaning Orhus shahrida joylashgan «Vibi« sport saroyida tashkil qilinadigan boks oqshomida Shahobiddin Zoirovga gruziyalik Mishiko Shubitidze (12 ta g‘alaba, 13 ta mag‘lubiyat, 3 ta durang, 5 ta nokaut) raqiblik qiladi.

Mazkur boks oqshomida o‘zbekistonlik boshqa bir bokschi, super yarim yengil (-58,97 kg) vazn toifasida ringga chiqayotgan Xurshid Tojiboyev (1 ta g‘alaba, 1 ta nokaut) ham ringga ko‘tariladi. Xurshid shu kuni boshqa bir gruziyalik bokschi Irakli Shariashviliga (5 ta g‘alaba, 2 ta mag‘lubiyat, 1 ta durang) qarshi ringga ko‘tariladi.

Eslatib o‘tamiz, Shahobiddin Zoirov professional boksdagi debyut jangida indoneziyalik Entoni Holtni (5 ta g‘alaba, 1 ta durang, 5 ta mag‘lubiyat, 3 ta nokaut) birinchi raunddayoq nokautga uchratib, g‘alaba qozongan bo‘lsa, Xurshid Tojiboyev esa polshalik Kshishtof Rogovskini (10 ta g‘alaba, 29 ta mag‘lubiyat, 5 ta nokaut) uchinchi raundda texnik nokaut evaziga mag‘lubiyatga uchratgandi.

arenda kvartira tashkent


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Yangiliklar » Sport » Shahobiddin Zoirovning navbatdagi jangi muddati va raqibi aniq bo‘ldi