O‘zbekiston chempionatining 10-turidan o‘rin olgan “Dinamo” – “Qizilqum” uchrashuvi o‘z nihoyasiga yetdi. Samarqandda bo‘lib o‘tgan bahsda jangovar durang qayd etildi.
Uchrashuvni mehmonlar faol boshlashdi, 6-daqiqada mezbonlar Elguja Grigalashvilini o‘z jarima maydonchalarida yiqitishdi. Biroq penaltidan gruziyalik futbolchi unumli foydalana olmadi.
Oradan ko‘p o‘tmay navoiyliklar o‘z maqsadlariga erishdilar, Grigalashvili chap qanotda himoyachini chiroyli tarzda aldab o‘tib markazga uzatmani amalga oshirdi. U yerda Alisher Sanoyev to‘pni darvozaga to‘g‘irlab yubordi.
Ammo maydon egalari bunga tuzda javob qaytarishdi, 13-daqiqada mezbonlar standart vaziyatni golga aylantirishdi. Burchak to‘pi o‘yinga kiritilgach, Sardor Eminov qanotdan to‘pni jarima maydoniga uzatdi, to‘pga birinchi bo‘lib yetib kelgan Qadamboy Nurmetov muvozanatni tikladi. Tanaffusga qadar ikki jamoada ham bir qator imkoniyatlar yuzaga keldi, ayniqsa samarqandliklar hujumda juda faol bo‘lishdi. Biroq birinchi bo‘limda boshqa gol bo‘lmadi.
Ikkinchi bo‘lim debyuti ham mehmonlarga omadli keldi. 52-daqiqada Xurshid Olimov chap qanotdan havolatib to‘pni jarima maydonchasiga yetkazib berdi. U yerda to‘pni qabul qilib olgan Sanoyev himoyachini aldab o‘tgan holda darvozani aniq nishonga oldi.
Shundan keyin mezbonlar yana hujumga zo‘r berishdi va ketma-ket urinishlar 74-daqiqada o‘z samarasini berdi. Burchakdan uzatib berilgan to‘pga Dilmurod Karimov boshi bilan zarba berdi, uning zarbasi to‘singa tegib qaytdi. Qaytgan to‘pni Amirjon Safarov bo‘sh qolgan darvozaga joylab qo‘ydi va muvozanatni tikladi. Qolgan daqiqalarda ham jamoalar hujumdan to‘xtashmadi, biroq hisob o‘zgarmadi.
Shu tariqa, “Dinamo” ochkolarini 14taga yetkazib olgan holda 6-o‘ringa ko‘tarilib oldi. “Qizilqum” (10) 10-pog‘onada qoldi.
“Dinamo” – “Qizilqum” 2:2 (1:1, 1:1)
Gollar: 0:1 – 7 Sanoyev, 1:1 – 13 Nurmetov, 1:2 – 52 Sanoyev, 2:2 – 74 Safarov.
Amalga oshirilmagan penalti: Grigalashvili (6).
“Dinamo” – 1.Botirali Ergashev, 2.Mirkomil Loqayev, 4.Hakimxon A’lamxonv, 7.Jasur Azimov, 11.Qadamboy Nurmetov, 16.Bobur Qosimov (14. Vohid Shodiyev, 59), 20.Siroj Hamroyev (44. Dimurod Karimov, 55), 23.Sardor Eminov, 24. Jasur O‘rinov, 27.Ixtiyor Toshpo‘latov, 34.Shoxrux Abdurahmonov (10. Amirjon Safarov, 66).
“Qizilqum” – 22. Artem Makosin, 4.Erkin Boydullayev, 7.Murodbek Bobojonov, 10. Alisher Sanoyev, 17. Salim Mustafoyev, 18. Eldor Boymatov, 19. Mirjalol Qosimov, 23. Sherali Jo‘rayev (28. Sardor Jahonov, 80), 25. Azizbek Usmonov, 30. Elguja Grigalashvili, 44. Maqsud Karimov.
Ogohlantirishlar: Olimov (54), Karimov (63), Jahonov (84). “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
«Real Madrid» ustozi Karlo Anchelotti kechagi g‘alabadan so‘ng nimalar dedi?
Buxoro viloyatida «Neksiya-3» avtomashinasi buklanib qoldi
Davlat xavfsizlik xizmati maklerlarga qo‘shib mansabdorlarni ham qo‘lga oldi
Erdo‘g‘on: «Isroil Gitlerdan ham o‘tib ketdi»
“Tolibon” Eronning Isroilga qarshi hujumini qo‘llab-quvvatladi
Sirdaryoda budjetga juda ko‘p miqdorda zarar yetkazgan mayning ferma aniqlandi
O‘zbekistonda zilzilaga tayyorgarlik kuchaytiriladi
Toshkentda daraxtga qasd qilgan «maskalilar» qo‘lga olindi
