"Navbahor" bosh murabbiyi Andrey Kanchelskis "Andijon" bilan o‘yindan keyingi matbuot anjumanida juda ehtirosli gapirdi.
Murabbiyning aytgan gaplari ovozli ravishda Telegram kanallarda aylandi. Buning natijasida o‘yin bilan bog‘liq gaplar kuchaydi. Biz esa vaziyatga oydinlik kiritish maqsadida murabbiy bilan bog‘landik.
- Andrey Antanasovich, Superliganing 10-turidan o‘rin olgan "Andijon"ga qarshi bahsdan keyin ancha ehtirosli gaplarni aytdingiz.
- Ha, shunday bo‘ldi. Yaxshi bilasiz, futbol - bu ehtiroslarga boy o‘yin. Shu bois o‘yindan keyin achchiq gaplarni aytgan bo‘lishim mumkin. Lekin bir narsani hisobga oling, men noto‘g‘ri gapirganim yo‘q. Agar aytgan bo‘lsam, uzr so‘rashga tayyorman. O‘yinni ko‘rgan bo‘lsangiz, hakam bahs oxirlarida aniq penaltini bermadi. Bu vaziyatda to‘p raqib futbolchisi qo‘liga tekkandi, biroq hakam bunga e’tibor bermadi. Bu esa jahlimni chiqardi. Hakam o‘yindan keyin o‘sha vaziyatni ko‘rib, VAR bo‘lganida penalti qo‘yardim dedi. Ammo endi kech.
- O‘yindan keyin klub hakam ustidan shikoyat yozdimi?
- Ha, biz shikoyat yozdik va endi nima bo‘lishini kutamiz.
- Shuningdek, siz raqib jamoa o‘yinni ancha cho‘zgani haqida gapirgansiz.
- Men tushunaman, hozirgi kunda hammaga ochko kerak va buning uchun jamoalar bor imkoniyatini ishga solmoqda. Futbolda vaqtni cho‘zish har bir jamoada uchrab turishi mumkin. Lekin hech kim birinchi taymdayoq bu ishga qo‘l urmasa kerak. O‘zi uchun kerakli natijani qayd etayotgan jamoa odatda o‘yin oxirlarida vaqtni cho‘zadi. Lekin sal narsaga yotib olish bekorga muxlislar e’tiroziga sabab bo‘ladi. Stadionga kelgan muxlis chiroyli futbol ko‘rishni xohlaydi. Men Angliya va Shotlandiyada o‘ynagan paytlari futbolchining qachonki qo‘li yo oyog‘i sinsa, maydondan tashqariga olib chiqib ketilardi. Hozir sal narsaga shifokorlar maydonga tushib kelayapti, natijada bahs to‘xtab qolyapti, bu esa o‘yinni "o‘ldiryapti".
- Shunday bo‘ldiki, "Navbahor" oxirgi ikkita uy uchrashuvida durang qayd etdi.
- O‘zimizdan ham xato o‘tgan, omad kelmagan vaziyatlar bo‘ldi. Men aybni boshkalarga to‘nkamoqchi emasman. Oldimizda belgilangan vazifa turibdi va shunga erishishni xohlaymiz. Yana shuni xohlardimki, hakamlar o‘yinni yaxshi boshqarsa. Hakam shunday boshqarsinki, hech kimda ularga nisbatan savol qolmasin.
X.Xoliqov suhbatlashdi.
“Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Ramzan Qodirovning 19 yoshli qizi medal bilan taqdirlandi
HAMAS yetakchisi: Isroil Rafahga kirsa, Falastin xalqi oq bayroqni ko‘tarmaydi
Sariqmi yoki yashil: qaysi turdagi banan foydaliroq?
Toshkentda 02 kodli avtoraqamlar taxminan qachon paydo bo‘lishi aytildi
Eron prezidenti jiddiy bayonot berdi: «Isroildan hech narsa qolmaydi»
Germaniyada maktab o‘quvchilari ommaviy ravishda islom dinini qabul qilmoqda
Germaniyaning Knauf kompaniyasi Rossiyadan butunlay chiqib ketishini tasdiqladi
Qaysi kundalik odatlar immunitet pasayishiga olib kelishini bilasizmi?
