Italiyalik murabbiy Mauritsio Sarri «Chelsi»dan iste’foga chiqib, «Yuventus» bosh murabbiyi etib tayinlandi. Bu haqda ikkala klub rasman ma’lum qildi.
60 yoshli mutaxassisning Turin klubi bilan shartnomasi 2022 yil 30 iyunigacha mo‘ljallangan.
«Yevropa Ligasi finalidan keyin o‘tkazgan muzokaralarimizda Sarri o‘z vataniga qaytishni qanchalik qattiq xohlayotganini aniq bildirdi. U, shuningdek, oilasi davrasida, keksa ota-onasiga yaqin masofada yashashi ham muhimligini ta’kidladi», – deya ma’lum qildi «Chelsi» direktori Marina Granovskaya.
Granovskaya Sarri va uning shtabiga bir yillik mehnat va erishilgan yutuqlar uchun tashakkur bildirish barobarida unga A Seriyadagi faoliyatida omad tilagan.
Mauritsio Sarri «Chelsi»ni bir yil oldin – «Napoli»dagi uch yillik faoliyatidan keyin qabul qilib olgandi. Uning qo‘l ostida «ko‘klar» Yevropa ligasida g‘olib bo‘ldi; APLda 3-o‘rinni egallab, Liga kubogi finaliga chiqdi. Angliya kubogida esa jamoa nimchorak finaldan kurashni yakunladi.
Umuman, «aristokratlar» Mauritsioning qo‘l ostida jami 63ta o‘yinda maydonga tushib, 39ta g‘alaba, 13ta durang va 11ta mag‘lubiyat qayd etishdi. G‘alaba koeffitsiyenti – 61,9 foizga teng.
Tajribali mutaxassis «Yuventus»da oxirgi 5 mavsumda bosh murabbiy bo‘lib kelgan Massimiliano Allegrining o‘rnini egallaydi. U bunga qadar «Napoli»dan tashqari «Empoli», «Sorrento», «Alessandria», «Grosseto», «Peruji» kabi bir qator italyan klublarini boshqargan. O‘tgan mavsumdagi Yevropa ligasi chempionligi uning faoliyatidagi ilk sovrin bo‘lgan edi. “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Ramzan Qodirovning 19 yoshli qizi medal bilan taqdirlandi
Crocus teraktida ayblanayotgan tojikistonlik Dalerjon Mirzoyevning ota-onasi o‘g‘li haqida gapirdi
Futzal. Osiyo Kubogi. Tojikiston Yaponiyani guruhda qoldirdi
Amerikalik olimlar barcha uchun birdek foydali jismoniy faollik turini aniqladi
Damas uchun onlayn kontraktatsiya ochiladi
Rossiya dunyodagi birinchi vodorod yoqilg‘ili avtomobilni taqdim etdi
Vladimir Putin «Krokus»da sodir etilgan terakt uchun o‘ch olishga chaqirdi
O‘zbekistonda o‘tgan uch oyda qancha avtomobil ishlab chiqarilgan?