Foto: Elsa/Getty Images
Tennis bo‘yicha AQSh ochiq chempionati finalida rossiyalik Daniil Medvedev ispansiyalik Rafael Nadalga mag‘lub bo‘ldi.
Musobaqaning 5-raqamli tennischi Medvedev Nadalga 5:7, 3:6, 7:5, 6:4, 4:6 hisobida imkoniyatni boy berdi. Uchrashuv 4 soat 49 daqiqa davom etgan. Sportchilar o‘zaro 2-marta uchrashishdi va navbatdagi marta Nadalning qo‘li baland keldi.
Professional tennischilar reytingida 2-o‘rinni egallayotgan 33 yoshli Nadal US Open’ning 4 karra g‘olibiga aylandi. Uning hisobida shuningdek Roland Garros’da 12 ta, Uimbldonda 2 ta va Avstraliya ochiq chempionatida bitta g‘alaba bor. Shu tariqa, ispaniyalik Katta dubulg‘a musobaqalarining 19-karra g‘olibiga aylandi. U bu ko‘rsatkich bo‘yicha faqatgina shveysariyalik Rojer Federerdan (20 ta g‘alaba) ortda qolmoqda.
Medvedev 2005 yildan beri Katta dubulg‘a musobaqasi finaliga chiqa olgan ilk rossiyalik bo‘ldi. Oxirgi marta bunday imkoniyatga Avstraliya ochiq chempionatida Marat Safin ega bo‘lgandi. Shuningdek, US Open’da g‘alaba qozongan yagona rossiyalik erkak tennischi ham Safin hisoblanadi.
AQSh ochiq chempionati Katta dubulg‘a musobaqalarining mavsumdagi to‘rtinchi va yakuniy musobaqasi hisoblanadi. Joriy yilda uning mukofot jamg‘armasi 57 mln dollarni tashkil qildi. Ushbu summadan g‘olibga 3,85 mln dollar, finalchiga 1,9 mln dollar beriladi.
7 sentyabrda musobaqaning ayollar o‘rtasidagi finalida 19 yoshli kanadalik Byanka Andreyesku afsonaviy Serena Uilyamsni mag‘lub eta olgandi. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
AQSH elchisi: “Rossiya Ukraina poytaxtiga gipertovushli raketalar bilan zarba berdi”
AQSH politsiyachilarining «aqlli qarori» Legoga ma’qul kelmadi
Erdo‘g‘on terrorchilar haqida keskin gapirdi
Rossiya Ukrainaning harbiy dron yig‘uv inshootlarini yo‘q qildi
Netanyahu Isroil delegatsiyasining AQSHga safarini bekor qildi
Dubay hukmdorining eng go‘zal qizi qanday hayot kechiradi?
AQSH rasmiylari: Millionlab amerikaliklar xitoylik hakerlar hujumiga uchragan
Rossiya qo‘shinlari Avdeyevkadagi ikkita qishloqni egallab oldi