23:42 / 17.09.2019
993

Dilshodbek Ro‘zmetov ham chorak finalga chiqdi

Dilshodbek Ro‘zmetov ham chorak finalga chiqdi
Rossiyaning Yekaterinburg shahrida o‘tkazilayotgan boks bo‘yicha jahon chempionatida O‘zbekiston boks terma jamoasining yana bir vakili chorak finalga yo‘llanma oldi.

-81 kilogramm vazn toifasidagi Dilshodbek Ro‘zmetov nimchorak finalda ruminiyalik Andrei Aradauga qarshi ringga ko‘tarilib, 5:0 hisobida g‘alaba qozondi.

Shu tariqa chorak finalga yo‘l olgan o‘zbekistonlik bokschilar soni to‘rt nafarga yetdi.
Bungacha O‘zbekiston boks terma jamoasining -52 kg vazn toifasidagi vakili Shahobiddin Zoirov, -57 kg vazn toifasidagi Miraziz Mirzaxalilov va -69 kilogramm vazn toifasidagi Bobousmon Baturov chorak final yo‘llanmasini qo‘lga kiritishgandi.

Terma jamoaning uch vakili esa turnirdagi ishtirokini erta yakunladi. Biroz oldinroq, -91 kg vazn toifasidagi Sanjar Tursunov hindistonlik Sanjit Sanjitga yutqazib, turnirdagi ishtirokini yakunladi. Ungacha -75 kg vazn toifasi vakili Fanat Qahramonov va -63 kg vazn toifasidagi Elnur Abduraimov ham turnirni nimchorak finaldan tark etgandi.

Endi O‘zbekiston terma jamoasining +91 kg vazn toifasidagi vakili Bahodir Jalolov ukrainalik Sotne Rogavaga qarshi chorak final yo‘llanmasi uchun jang olib boradi.
Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)