O‘zbekiston Xalq ta’limi vazirligida Xalqaro dzyudo federatsiyasi (IJF) vakillari bilan uchrashuv bo‘lib o‘tdi. Bu haqda vazirlikda ma’lum qilindi.
Xorijiy delegatsiya tarkibiga IJF media direktori va Judo for Peace komissiyasi direktori Nikolas Messner, “Bolalar uchun dzyudo” loyihasi vakili Ester Stam kirgan. Shuningdek, uchrashuvda O‘zbekiston dzyudo federatsiyasi bosh kotibi Doniyor Ilhomov ham ishtirok etgan.
Uchrashuv davomida O‘zbekiston Xalq ta’limi vaziri Sherzod Shermatov va IJF vakillari O‘zbekiston yoshlari orasida dzyudo sport turini ommalashtirish masalalarini muhokama qilishdi.
Uchrshuvda O‘zbekistonda sportning rivojlanishi uchun katta ahamiyat berilayotgani va maktablarda sport bilan shug‘ullanish madaniyatini shakllantirish lozimligi ta’kidlab o‘tilgan.
IJF vakillarining ta’kidlashicha, dzyudochi or-nomus kodeksi xushmuomalalik, jasurlik, samimiylik, to‘g‘riso‘zlik, kamtarinlik, o‘zini nazorat qila bilishlik, do‘stlarga sadoqatli bo‘lish, yon-atrofdagilarga hurmat bilan munosabatda bo‘lish kabi ijobiy sifatlarni o‘z ichiga oladi.
Uchrashuv davomida “Bolalar uchun dzyudo” loyihasini kengaytirish masalalari ham muhokama qilingan. O‘zbekiston dzyudo federatsiyasi bilan amalga oshirilayotgan loyiha O‘zbekistonning turli hududlaridagi 20 ta maktabni o‘z ichiga qamrab olgan. Bu maktablarda dzyudo seksiyalari ochilib, u yerda 900 o‘quvchi mashq qiladi. IJF bu maktablarga bepul tatami va kimonolar taqdim qilgan, shuningdek, murabbiylarning ish haqi bo‘yicha sarf-xarajatlarni qoplaydi.
Xalq ta’limi vazirligi va O‘zbekiston dzyudo federatsiyasi IJF ko‘magida loyihada ishtirok etuvchi maktablar sonini 40 taga yetkazmoqchi. Shu munosabat bilan tomonlar yoshlar o‘rtasida dzyudoni maktablarda sport seksiyalari tashkil etish bilan ilgari surish bo‘yicha “yo‘l xaritasi”ni ishlab chiqib, qabul qilishga kelishib olishdi. “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Nebenzya G‘arbning BMT Xavfsizlik Kengashidagi nutqini ikkiyuzlamachilik paradi deb atadi
Buxoro viloyatida «Neksiya-3» avtomashinasi buklanib qoldi
Mojarodan so‘ng Ukrainani nima kutayotgani ma’lum bo‘ldi
Eronning Isroilga hujumi shunchaki spektakl edimi?..
Pentagonning sobiq tahlilchisi G‘arb nega Ukrainada tinchlik istamasligini tushuntirdi
“Tolibon” Eronning Isroilga qarshi hujumini qo‘llab-quvvatladi
Davlat xavfsizlik xizmati maklerlarga qo‘shib mansabdorlarni ham qo‘lga oldi
Shomurodov, navbat “Yuventus”ga!