Kelasi yilning 8-26 yanvar kunlari Tailandda U-23 Osiyo chempionati final bosqichi bo‘lib o‘tadi.
Lyubinko Drulovich boshqaruvidagi O‘zbekiston olimpiya terma jamoasi ayni paytda mazkur musobaqaga jiddiy hozirlik jarayonini davom ettirmoqda. Olimpiyachilarimiz har oy yig‘in tashkil etib, xalqaro o‘rtoqlik uchrashuvlarida maydonga tushishmoqda.
Oldinroq vakillarimiz 13-19 noyabr kunlari BAAning Dubay shahrida 23 yoshgacha bo‘lgan terma jamoalar o‘rtasida xalqaro turnirda ishtirok etishlari borasida xabar bergandik.
“Dubay xalqaro do‘stlik musobaqasi”da 25 nafar futbolchi ishtirok etadi. E’tiborlisi, Lyubinko Drulovich poytaxtimizdagi yig‘inga jalb etganlar orasida ayrim o‘zgarishlarni amalga oshirgan. Jumladan, dastlab milliy terma jamoadan Azizjon G‘aniyev olimpiyachilar safiga qo‘shilgandi. Endi esa Qirg‘izistonga qarshi o‘rtoqlik uchrashuvida birinchi golga assistentlik qilgan Abror Ismoilov olimpiyachilar safiga jalb etildi.
Quyida Dubayga yo‘l olgan tarkib bilan tanishing:
Darvozabonlar: Mashhurjon Muhammadjonov, Abduvohid Ne’matov (ikkalasi – “Nasaf”), Nizomitdin Ziyovutdinov (AGMK)
Himoyachilar: Dilshod Saitov, Husniddin Aliqulov, Sherzod Nasrullayev (barchasi – “Nasaf”), Islomjon Qobilov (“Bunyodkor”), Ilhom Alijonov (“Navbahor”), Oybek Rustamov (“Qo‘qon-1912”), Ibrohim Yo‘ldoshev (“Metallurg”), Shahboz Jo‘rabekov (“So‘g‘diyona”)
Yarim himoyachilar: Oybek Bozorov, Islom Rashidxonov, Azizjon G‘aniyev, Sharof Muhitdinov (barchasi – “Nasaf”), Abdulla Abdullayev, Nurillo To‘xtasinov (ikkalasi – “Bunyodkor”), Jasurbek Yaxshiboyev (AGMK), Oston O‘runov (“Lokomotiv”), Asad Sobirjonov (“Buxoro”), Doston Ibragimov (“Qizilqum”), Abror Ismoilov (“Surxon”)
Hujumchilar: Azizbek Amonov (“Lokomotiv”), Mirjahon Mirahmadov (“Bunyodkor”), Bobir Abdixoliqov (“Nasaf”).
Ma’lumot o‘rnida, ushbu turnirda BAA, Saudiya Arabistoni, Bahrayn, Suriya, Janubiy Koreya, Iroq, Iordaniya hamda O‘zbekiston olimpiya terma jamoalari ishtirok etadi. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
«Tolibon» Moskvadagi terakt tashkilotchilarini yo‘q qilishga va’da berdi
ISHID o‘z tarafdorlarini Isroilda hujumlar uyushtirishga chaqirdi
AQSH politsiyachilarining «aqlli qarori» Legoga ma’qul kelmadi
Emmanuel Makron: “Ukraina tez orada qulashi mumkin”
Olimlar qashshoqlik miyaning tez qarishiga sabab bo‘lishini aniqladilar
Rossiya Ukrainaning harbiy dron yig‘uv inshootlarini yo‘q qildi
Teraktdan keyin Rossiyadagi Tojikiston fuqarolari nafrat va tajovuzga duchor bo‘lmoqda
Erdo‘g‘on terrorchilar haqida keskin gapirdi