Rio Olimpiadasi sovrindori, jahon chempioni, professional boksda mag‘lubiyatsiz odimlayotgan Shahram G‘iyosovning 30 noyabrda Monakoda navbatdagi jangini o‘tkazishi borasida xabarlar tarqalgan edi. Lekin bu amalga oshmadi.
Bu borada sports.uz muxbiri Shahram bilan bog‘lanib, vaziyatga oydinlik kiritdi va okean ortida o‘zbek bokschilari haqida qanday fikrlar bildirilayotganligiga aniqlik kiritish uchun bir-ikkita savol bilan murojaat qildi.
- Shahram biz 30 noyabrni kutayotgan edik... Jang nega bo‘lmadi?
- Dastlab, reja shunday ko‘rinish olgandi. Lekin biz topgan raqib tayyor bo‘lmaganligi uchun jang bo‘lmadi. Aslida, katta shoularda ringga ko‘tarilishim ko‘zda tutilyapti. Chunki, meni DAZN hamda Match.rum bilan shartnomam bor. Shuning uchun, AQSh da jang o‘tkazishim kerak bo‘lardi. Yangi yildan keyin, to‘g‘rirog‘i yanvar va fevral oylarida katta jangda ishtirok etishim ko‘zda tutilyapti. Bu borada bizga DAZN hamkorlik qiladi. Ular shov-shuvli shouda shunga xos jang tashkil qilib berishga va’da berdi.
- Umuman olganda okean orti OAVda o‘zbek bokschilari haqida qanday fikrlar bildirilmoqda?
- Faqat iliq fikrlarni eshtishimiz yoki o‘qishimiz mumkin. Ular bizni mexnatkash, oxiriga qadar jang qiladi. Nima bo‘lishidan qat’iy nazar, jangni so‘ngiga qadar davom ettiradi. Tan bermaydi, taslim bo‘lmaydi va o‘z o‘rnida ringda chiroyli harakat qilishadi, deya ko‘p yozishmoqda... Albatta, bunday e’tiroflar bizga yanada kuch beradi.
- Ayniqsa, Murodjon Ahmadaliyev hamda Daniel Roman to‘qnashuvi borasida ko‘p gap-so‘z bo‘layotgandir?
- Shubhasiz. Murodjon raqib jamoasining yuragiga qo‘rquv solib qo‘ygan. Umuman hamma xavotirda. Murodjonda ajoyib imkoniyat bor. Qolaversa, salohiyati ham yetarli. “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Futzal. Osiyo Kubogi. Tojikiston Yaponiyani guruhda qoldirdi
Qaysi kundalik odatlar immunitet pasayishiga olib kelishini bilasizmi?
Toshkentda 02 kodli avtoraqamlar taxminan qachon paydo bo‘lishi aytildi
Eron prezidenti jiddiy bayonot berdi: «Isroildan hech narsa qolmaydi»
Sariqmi yoki yashil: qaysi turdagi banan foydaliroq?
Germaniyada maktab o‘quvchilari ommaviy ravishda islom dinini qabul qilmoqda
HAMAS yetakchisi: Isroil Rafahga kirsa, Falastin xalqi oq bayroqni ko‘tarmaydi
Crocus teraktida ayblanayotgan tojikistonlik Dalerjon Mirzoyevning ota-onasi o‘g‘li haqida gapirdi