27 fevraldan O‘zbekiston Superligasi-2020 start oladi. Jamoalar chempionatga yurtimizda va imkoniyati borlar xorijda tayyorgarlik ko‘rishdi.
Murabbiy va futbolchilarning fikrlarini yil bo‘yi o‘qib, kuzatib borishimiz mumkin. Ammo o‘sha jamoada faoliyat yuritayotgan matbuot kotiblarini siz deyarli tinglamagansiz. Shu bois biz yangi mavsum avvalidan matbuot kotiblarining fikrlarini bilish uchun ularga 3 ta savol bilan murojaat qildik.
1. Jamoaning tayyorgarlik jarayoni (qayerlarda yig‘inlar tashkil etilgani va o‘rtoqlik o‘yinlari) haqida
2. Yangi mavsumdan nimalar kutmoqdasiz?
3. Klub oldiga qanday vazifa qo‘yildi?
1. Tayyorgarlik Toshkent va BAAning Abu-Dabi amirligida olib borildi. Superliga oldidan 5 ta nazorat o‘yinlari va yana Osiyo Chempionlar ligasida 2 uchrashuv o‘tkazdik. Raqiblarimiz "Rostov", "Suvon Samsung", "Jilina", "Qizilqum" va "Spartak" klublari bo‘lishdi. Murabbiylar o‘zlari istaganidek sharoitlarda ishlashdi, jamoa yaxshi hozirlik ko‘rdi.
2. Yangi mavsumda qiziqarli o‘yinlar ko‘proq bo‘lishini, jamoalar futbol o‘ynashga intilishini. Ko‘p jamoalar hozir o‘ta yopiq futbol ko‘rsatishga o‘tib olishgan. Hujumda rang-baranglik kam. Ishqibozlarning stadionga ko‘proq kelishi uchun tomoshabop, jozibador o‘yin ko‘rsatish kerak. Qiziqarli va keskin o‘yinlar qancha ko‘p bo‘lsa, shuncha yaxshi.
3. "Paxtakor" oldiga o‘zi ishtirok etayotgan har bir turnirda g‘oliblik uchun kurash olib borish vazifasi qo‘yilgan. Jamoamiz shu yo‘lda mehnat qiladi.
Ma’lumot o‘rnida, "Paxtakor" Superliga-2020 dastlabki turida Toshkentda "Navbahor" bilan bellashadi. Uchrashuv Toshkent vaqti bilan 16:00da boshlanadi.
Behzod Nazarov (“Paxtakor” klubi matbuot kotibi)
“Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Zelenskiyga ukrainaliklar haqida kutilmagan yangilik aytildi
AQSHning Suriyadagi harbiy bazasiga raketalar hujum qildi
Shveysariya prezidenti Putinga maktub yo‘lladi
Ramzan Qodirovning 19 yoshli qizi medal bilan taqdirlandi
Akademik Qodir G‘ulomov Qo‘shrabotda bo‘ldi
Olimlar o‘quvchilarning familiyasidagi bosh harf ularning bahosiga ta’sir qilishini aniqladi
Eron zarbasi katta zarar yetkazmadi, lekin Isroil baribir yutqazdi...
O‘zbekistonda o‘tgan uch oyda qancha avtomobil ishlab chiqarilgan?