Superliga 1-tur doirasidagi “Qo‘qon-1912” – “Buxoro” uchrashuvidan keyingi matbuot anjumanining ikkinchi qismida Baxtiyor Ashurmatov va uchrashuvning eng yaxshi o‘yinchilaridan biri Quvondiq Ro‘ziyev ishtirok etishdi.
Baxtiyor Ashurmatov: - O‘yin o‘g‘risida aytishim mumkinki, bugun ochilish uchrashuvi bo‘lgani tufayli o‘yin shiddatli kechdi. Yirik g‘alaba bir qarashda osondek tuyulishi mumkin. Lekin bugun juda qiyin o‘yin o‘tkazdik. Ayniqsa, 1:0 hisobda oldinda borayotganimizda raqiblarimiz bosimni oshirishdi. Juda his-hayajonga boy daqiqalar ko‘p bo‘ldi. Lekin muxlislarimizning hayqiriqlari va qo‘llab quvvatlashlari tufayli futbolchilarimiz yana oldinga intilishdi.
Ikkinchi golni kiritib olganimizdan keyin ham futbolchilarim o‘yin shiddatini tushirishmadi, buning uchun ularga rahmat aytaman. "Buxoro" jamoasi himoyaviy o‘yin ko‘rsatishini oldindan bilgandik. Hisob 2:0 bo‘lgach raqiblarimiz himoya chizig‘ida bo‘sh zonalar ko‘paydi. Bugungi g‘alabamizdagi asosiy faktorlardan biri bu stadionda bizni qo‘llab turgan muxlislarimiz bo‘ldi. Stadionda yaratilgan ajoyib atmosfera uchun muxlislarimizga jamoamiz nomidan katta rahmat aytaman.
Bugun hujumchilarimiz o‘yinidan to‘la qoniqdim. Garchi ular bugun gol ura olishmagan bo‘lishsa-da, doim raqib himoyachilarini bosim ostida ushlab turishdi. Zohid Abdullayev borasida shuni aytishim mumkinki, biz Muzaffar Muzaffarovni safimizga qo‘shib olish borasida Zohid Abdullayevni “Metallurg”ga berishga kelishdik. Bu hujumchi bilan do‘stona xayrlashdik. Hujum chizig‘imizni kuchaytirish uchun qo‘qonlik muxlislarga yaxshi tanish bo‘lgan Filip Rayevatsni qaytarmoqchimiz. Shu kunlarda ushbu legioner futbolchi safimizga kelib qo‘shiladi.
Quvondiq Ro‘ziyev: - Barchani bugungi futbol bayrami bilan tabriklayman. Bugun muxlislarimiz ham bizga katta kuch berishdi. Ularning qo‘llab-quvvatlashlari bizga dalda bo‘ldi. Bugun standartlar o‘yin taqdirini hal etishi borasida murabbiylarimiz aytishgandi. Shuning uchun standartlarga alohida e’tibor berdik. Yakka kuashlarda ham raqiblarimizga imkon bermadik. Birinchi o‘yinda raqibning kuchini bilish qiyin. G‘alabamizning asosiy sababi, bugungi o‘yinda murabbiylarimizning 90 foiz ko‘rsatmalarini to‘liq amalga oshira oldik.
Manba: kokand1912.uz “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
O‘zbekistonda zilzilaga tayyorgarlik kuchaytiriladi
Erdo‘g‘on: «Isroil Gitlerdan ham o‘tib ketdi»
«Real Madrid» ustozi Karlo Anchelotti kechagi g‘alabadan so‘ng nimalar dedi?
Tadbirkorlarga qo‘llanadigan moliyaviy jarima kamaytiriladi
Nega Tramp Zelenskiyni yomon ko‘radi?
Zelenskiy: Rossiya Ukrainaning issiqlik energetikasini deyarli to‘liq yakson qildi
Qozog‘istonlik milliarderlar suv toshqinidan zarar ko‘rgan hududlarga mablag‘ ajratdi
Dunyodagi eng boy arab shayxining rafiqasi qanday ko‘rinishga ega?
