2 582
O‘zbekistonda qolib ketgan Kanchelskis Superliganing qachon tiklanishi mumkinligini aytdi
“Navbahor” jamoasi bosh murabbiyi Andrey Kanchelskis Rusfootball.info nashriga intervyu berib, suhbat davomida hozirgi koronavirus pandemiyasi sharoitida mavsumni qanday tarzda qayta boshlash borasida o‘z fikrlarini bildirib o‘tdi. "Navbahor" matbuot xizmati mazkur intervyuni o‘z rasmiy saytiga joylashtirdi.
— O‘zbekistonda ikki oydan buyon karantindamisiz?
— Ha, albatta. Men ham, legionerlar ham hech qayerga ketolmadik. Ayni paytda mashg‘ulotlarni boshlash uchun rasmiy ravishda ruxsat berilishini kutyapmiz. Menimcha, O‘zbekistonda iyun oyi o‘rtalaridan chempionat boshlansa kerak. Bu yerda kasallanganlar soni kamaymoqda. Asta-sekin barchasi izga tushmoqda. Do‘konlar, bozorlar ochilmoqda. Shu bois, futbol ham qaytishiga umid qilsa bo‘ladi. Albatta, o‘yinlar muxlislarsiz o‘tadi.
— Rossiya chempionati 21 iyundan qayta tiklanadi. Tabiiyki, o‘yinlar tomoshabinlarsiz bo‘lgan bo‘m-bo‘sh stadionlarda o‘tadi. Sizningcha, bunday epidemiologik holatda o‘ynash qanchalik xavfli? Chunki futbol — kontaktli o‘yin turi...
— Agar jamoa karantinda bo‘lsa, klub bazasida yashayotgan bo‘lsang, hech qayerga chiqmayotgan bo‘lsang, qanday qilib kasallik tarqalishi mumkin? Bunday holatda kasallik tarqalmaydi. Jamoa a’zolari ikki haftalik karantinda o‘tirishsa va hech qanday kasallik aniqlanmagan bo‘lsa, mavsumni qayta boshlash mumkin. Bu borada hech qanday muammo ko‘rmayapman. Chempionatni albatta oxiriga yetkazib qo‘yish kerak.
- Sizningcha, karantindan so‘ng, qayta tiklanadigan Rossiya chempionatida jiddiy o‘zgarishlar kuzatilishi mumkinmi?
- Ushbu savolga javob berish qiyin. Chunki barcha bahslar tomoshabinlarsiz o‘tkaziladi. Kimdir ishqibozlarga to‘la bo‘lgan stadionda o‘ynashga ko‘nikkan, qaysidir futbolchining esa bo‘sh stadionda o‘yini qovushadi. Mashg‘ulotlarda o‘zini ijobiy jihatdan ko‘rsata oladigan, lekin muxlislar oldida o‘zini yo‘qotib qo‘yadigan o‘yinchilar ham bor. Shunday ekan, bunday vaziyatda kimningdir imkoniyati oshsa, yana qaysidir futbolchi bo‘sh o‘yingohda o‘z imkoniyati darajasida to‘p surolmasligi mumkin.
Bu yerda barchasi ushbu qisqa muddat davomida bo‘lajak 8ta tur o‘yinlariga jamoalarning bahslarga qanday tayyorgarlik ko‘rishlariga bog‘liq. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
O‘zbekistonda o‘tgan uch oyda qancha avtomobil ishlab chiqarilgan?
Vladimir Putin «Krokus»da sodir etilgan terakt uchun o‘ch olishga chaqirdi
Rossiya dunyodagi birinchi vodorod yoqilg‘ili avtomobilni taqdim etdi
Germaniyada maktab o‘quvchilari ommaviy ravishda islom dinini qabul qilmoqda
Toshkentda 02 kodli avtoraqamlar taxminan qachon paydo bo‘lishi aytildi
HAMAS yetakchisi: Isroil Rafahga kirsa, Falastin xalqi oq bayroqni ko‘tarmaydi
Crocus teraktida ayblanayotgan tojikistonlik Dalerjon Mirzoyevning ota-onasi o‘g‘li haqida gapirdi
Amerikalik olimlar barcha uchun birdek foydali jismoniy faollik turini aniqladi