19:30 / 08.08.2020
932

«Yuventus» Mauritsio Sarrini iste’foga chiqardi

«Yuventus» Mauritsio Sarrini iste’foga chiqardi
Foto: AFP
«Yuventus» rasmiy sayti klub Chempionlar ligasi turnirini tark etgani sababli bosh murabbiy Mauritsio Sarri iste’foga chiqarilganligini e’lon qildi.

- «Yuventus»ning Italiya A Seriyasida ketma-ket 9-chempionligini qo‘lga kiritib, klub tarixida yangi sahifa ochgan Mauritsio Sarriga minnatdorchilik bildirib qolamiz. Bu Sarrining Italiya futbolidagi sarguzashtlarida nihoyat cho‘qqini zabt etishiga imkon yaratdi, - deyiladi klub bayonotida.

«Yuventus» joriy mavsumda A Seriyada «Inter»dan bir ochko ko‘proq jamg‘arib, skudettoni qo‘lga kiritgan bo‘lsa-da, «Lion»ga qarshi YECHL 1/8 final ikki o‘yin natijasiga ko‘ra (0:1, 2:1), turnirni tark etishga majbur bo‘ldi.

Eslatib o‘tamiz, Sarri 2019 yil yozida «Yuventus»ni tark etgan Massimiliano Allegri o‘rniga jamoa bosh murabbiyi sifatida ish boshlagan edi.
Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)