21:32 / 02.12.2020
3 546

O‘zbek bokschisi eng jiddiy raqibga to‘qnash keladi

O‘zbek bokschisi eng jiddiy raqibga to‘qnash keladi
Rossiyaning Yekaterinburg shahrida 5 dekabr kuni professional boks kechasi tashkil etiladi. Unda Sardor Muzaffarov ham navbatdagi reyting jangini o‘tkazadi.

Professional boksda uch yil oldin faoliyatini boshlagan 25 yoshli bokschimiz shu kunga qadar to‘rtta uchrashuvda raqiblari ustidan zafar quchgan. Sardor uchta mag‘lubiyatni esa, biror marta yutqazmagan kuchli bokschilardan qabul qilib olgan.

Ayniqsa, o‘tgan yili ikkita jang o‘tkazib, har ikkisida ham imkoniyatni boy bergani alamli bo‘ldi. Endi u mag‘lubiyatlar to‘ridan chiqib ketishga harakat qiladi.

Sardorning bu galgi raqibi avvalgilaridan ancha kuchli va tajribali. Rossiyalik Yevgeniy Chuprakov 22 ta jangni o‘z foydasiga hal qilgan va shulardan 12 tasida raqiblarini muddatidan oldin yenggan. Uch marta mag‘lub bo‘lgan.

Muzaffarov sakkiz raundlik jangda jiddiy raqib sinovidan o‘tishi kerak bo‘ladi.
Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)