17:30 / 20.12.2020
1 543

Mirjalol Qosimov finaldagi mag‘lubiyatdan so‘ng nimalar dedi?

Mirjalol Qosimov finaldagi mag‘lubiyatdan so‘ng nimalar dedi?
O‘zbekiston Coca Cola Kubogi finali AGMK va "Paxtakor" jamoalari o‘rtasida kechdi. O‘yindan keyin olmaliqliklar ustozi Mirjalol Qosimov final haqidagi fikrlari bilan o‘rtoqlashdi:

"Yaxshi tayyorlangan edik. Menimcha, birinchi taymda ancha yaxshi harakat qildik. Kecha bo‘lib o‘tgan matbuot anjumanida ham aytib o‘tgan edim: kichkina xatolarga yo‘l qo‘yish ham kerak emas. "Paxtakor" qarshi hujumda gol urib ketdi. Ikkinchi bo‘lim avvalidagi xato tufayli gol o‘tkazib yuborib, ruhiy ustunlikni boy berdik. Uchinchi gol penaltidan kiritildi, VAR shunday qarorga keldi.

"Paxtakor"da ancha yaxshi saviyadagi futbolchilar jam bo‘lgan. Ular haqli g‘alabaga erishdi. Futbolda kimdir yutishi kerak. Biz mavsum davomida yomon harakat qilmadik. Mavsum uzun va qiyin kechdi. Yigitlarga dam kerak, kelayotgan yil yanada omadli kelishini tilab qolaman
", - dedi Qosimov.
Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)