17:55 / 04.01.2021
1 969

Italiya nashri: Super Shomurodov "Latsio"ni qo‘rqitmoqda

Italiya nashri: Super Shomurodov "Latsio"ni qo‘rqitmoqda
A Seriya 15-turida "Jenoa" - "Latsio" bahsi bo‘lib o‘tdi. Uchrashuvda 1:1 hisobidagi durang qayd etildi. Italiyaning mashhur nashrlaridan biri "La Gazzetta dello Sport" ushbu o‘yinga e’tibor qaratdi. Unda yozilgan biz uchun ahamiyatga molik bo‘lgan satrlariga e’tibor qaratamiz.

Nashr "Genuyada Destro Immobilega javob berdi. Super Shomurodov "Latsio"ni qo‘rqitmoqda" nomli maqola chop etdi.

- Bellashuvda rimliklar hujumchisi Chiro Immobile 15-daqiqada penaltidan gol urib, hisobni ochgandi. Ikkinchi bo‘limda esa Davide Ballardini maydonga o‘zbekni tushirdi. Eldor Shomurodov tezkorlik bilan oldinga otlandi va qarshisidagi raqibini ajoyib tarzda aldab o‘tib, sherigi Mattia Destroni qulay vaziyatga olib chiqdi. U esa vaziyatdan samarali foydalandi. Shomurodovdan Super harakat. Ballardini vaziyatni yaxshilashga intilmoqda... - deyiladi maqolada.
Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)