21:22 / 22.03.2021
3 418

Valeriy Karpin O‘zbekiston milliy terma jamoasini bir shart bilan boshqarishi mumkin!

Valeriy Karpin O‘zbekiston milliy terma jamoasini bir shart bilan boshqarishi mumkin!
“Rostov” jamoasi bosh murabbiyi Valeriy Karpin rafiqasi Darya Gordeyevaning instagram sahifasida muxlislar savoliga javob berdi. Muxlislardan biri tajribali murabbiydan O‘zbekiston milliy terma jamoasini boshqarish haqida savol berdi. Valeriy Karpin bu savolga ajoyib tarzda javob qaytardi:

- Siz O‘zbekiston milliy terma jamoasini shug‘ullantirishga rozi bo‘lasizmi?
- Agar Eldor Shomurodov taklif qilsa, shug‘ullantirishim mumkin. Talabim shuki, u yerdagi barcha o‘yinchilar Eldor singari yuqori saviyada bo‘lishi kerak.

Valeriy Karpin o‘z davrida Rossiyaning eng mashhur futbolchilaridan bo‘lgan. Hujumkor futbolchi sifatida to‘p surgan Karpin sobiq Ittifoq davrida Talinning “Sport”, Moskvaning “SSKA”, Voronejning “Fakel” jamoalarida o‘ynagan.

1990 yildan 1994 yilgacha “Spartak”da to‘p surgan. Keyin Ispaniya chempionatiga ko‘chib o‘tib, “Real Sosedad”, “Valensiya”, “Selta” klublari sharafini himoya qilgan. Klublar darajasida 572 ta bellashuvda maydonga tushib, raqiblar darvozasini 109 marotaba ishg‘ol qilgan.

Rossiya terma jamoasi safida 72 ta o‘yinda 17 ta gol muallifi bo‘lgan.

Valeriy Karpin murabbiy sifatida “Spartak”, “Malorka”, “Torpedo Armavir” klublarida ishlagan. 2018 yilan beri “Rostov” jamoasining bosh murabbiyi hisoblanadi. Uning qo‘l ostida rostovliklar Yevrokuboklar yo‘llanmasi uchun kurashib kelmoqda. Bundan tashqari, Valeriy Karpin Rossiya futboli uchun bir necha iste’dodli futbolchilarni kashf qilib berdi. Ulardan biri o‘zbekistonlik hujumchi Eldor Shomurodovdir.

Valeriy Karpin “Rostov”da o‘ynagan Eldor Shomurodovning yangi qirralarini ochib, uni yuqori darajadagi hujumchiga aylanishiga katta hissa qo‘shdi. Mutaxassislarning ta’kidlashicha, Eldordagi to‘purarlik qobiliyatini payqagan mutaxassis uni qanotlardan olib, markaziy hujumchi sifatida o‘ynata boshlagan birinchi murabbiydir.

Eldor Shomurodov Valeriy Karpin hizmatlari evaziga hozir hujum chizig‘ining istalgan nuqtasida samarali o‘ynay oladi. “Rostov”dagi muvaffaqiyatli faoliyati tufayli o‘zbek futbolchisi Yevropaning kuchli beshligiga kiruvchi chempionat jamoalari e’tiboriga tushdi.

Hamyurtimiz 2020 yilgi yozgi transferlar vaqtida “Jenoa” taklifini qabul qilib, A Seriyaga ko‘chib o‘tdi. Eldor ustozi Valeriy Karpin bilan do‘stona aloqalarni saqlab qolgani haqida birt necha bor aytgandi.

Eldor Shomurodov faoliyati davomida “Mash’al”da o‘nta uchrashuv o‘tkazgan, “Bunyodkor”da 66 ta o‘yinda 18 ta gol urishga muvaffa bo‘lgan. Legioner sifatida “Rostov”da uch yil to‘p tepgan Shomurodov Rossiya premer-ligasida 80 ta o‘yinda raqiblar darvozasini 16 marotaba aniq nishonga oldi. Italiyada birinchi mavsumini o‘tkazayotgan hujumchimiz “Jenoa” tarkibida A Seriyada 21 ta bahsda o‘z hisobiga uchta gol yozdirib qo‘ydi.

2022 yili Qatarda bo‘ladigan jahon chempionati va 2023 yilgi Osiyo kubogi turnirlariga chiqish uchun kurashayotgan O‘zbekiston milliy terma jamoasining asosiy hujumchisi hisoblangan Eldor Shomurodov mamlakatimiz bosh jamoasi safida 44 ta o‘yinda 21 ta gol urishga muvaffaq bo‘lgan.

arenda kvartira tashkent


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Yangiliklar » Sport » Valeriy Karpin O‘zbekiston milliy terma jamoasini bir shart bilan boshqarishi mumkin!