O‘FA birinchi vitse-prezidenti Ravshan Ermatov FIFAning yangi g‘oyasiga javoban dunyo futboli ommasiga murojaat qildi.
Unda o‘zbekistonlik futbol muxlislarining 30 yillik orzusi hisoblangan jahon chempionatida ishtirok etish imkoniyati oshishiga xizmat qiladigan FIFA tashabbusi qo‘llab-quvvatlandi.
Eslatib o‘tamiz, FIFA jahon chempionatini har ikki yilda bir marotaba o‘tkazish istagida.
"Assalomu alaykum! Bugungi, hammamiz uchun sinovli kunlarda sog‘-omonsiz degan umiddaman. Men O‘zbekiston futboli oilasining FIFA jahon chempionati bo‘yicha fikri bilan o‘rtoqlashmoqchiman.
Jahon chempionati futboldagi cho‘qqi hisoblanadi. Bu sport bilan shug‘ullanishni boshlagan inson borki, mundialni orzu qiladi. Ammo bu juda kam sonli mahoratli futbolchilarga nasib etadi. Sababi JCH to‘rt yilda bir marotaba o‘tkaziladi. Saralash bosqichi esa juda ham murakkab va unda ba’zida top-jamoalar ham yo‘llanmasiz qoladi. Futbolchilik faoliyati juda qisqa, milliy jamoalarda raqobat kuchli. Bir bosqichda o‘ynagan futbolchi 4 yildan so‘ng keyingi bosqichda jamoaga boshqa chaqirilmasligi mumkin. Qolaversa, jarohatlarni ham unutmaslik kerak. Shunday ekan, jahon chempionatida ishtirok etish imkoniyatining oshishini butun dunyo futbolchilari, murabbiylari, hakamlari va albatta, muxlislari qo‘llab-quvvatlasa kerak, deb o‘ylayman.
Misol uchun, hakamlarni olaylik. Men bilgan ko‘plab iste’dodli hakamlar 4 yillik bosqichda ro‘yxatdan chetda qolgan. FIFA taklif qilayotgan 2 yillik bosqichning yutug‘i shundaki, futbolchilar va futbolga aloqador barcha mutaxassislarning mundial orzusi amalga oshish imkoniyati yanada ortadi. Qolaversa, agar qit’a chempionatlari ham shu tizimga o‘tsa, biz har yili terma jamoalar miqyosida katta final turnirlari guvohiga aylanishimiz mumkin.
FIFAning futbolni rivojlantirish bo‘limi rahbari Arsen Vengerning bu boradagi taklifi bilan tanishar ekanmiz, yana bir muhim jihatga e’tibor qaratishimiz zarur. Saralash bahslarining optimallashtirilishi. Ya’ni, mavsumda ikki marta terma jamoalar saralash bahslari uchun yig‘ilishadi va yo‘llanmalar uchun o‘yinlar o‘tkazishadi. Boshqa payt futbolchilar klublarning ixtiyorida bo‘lishadi va uzoq safarlardan keyingi toliqish muammosiga kamroq duch kelishadi. Biz bu taklifni futbol uchun foydali deb hisoblaymiz.
Hakamlik faoliyatim davomida biz ham yirik musobaqalarni intizorlik bilan kutardik. Endi esa mamlakatimiz futbolining rahbarlaridan biri sifatida terma jamoamizning mundialda qatnashishini niyat qilaman. Zero, jahon chempionati ishtirokchisi bo‘lish o‘zbekistonlik futbol muxlislarining 30 yillik orzusi hisoblanadi. O‘zbek futboli ommasi FIFAning bu boradagi tashabbusini qo‘llab-quvvatlaydi. Futbolni birgalikda rivojlantiramiz!", – dedi Ravshan Ermatov. “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
O‘zbekistonda zilzilaga tayyorgarlik kuchaytiriladi
«Real Madrid» ustozi Karlo Anchelotti kechagi g‘alabadan so‘ng nimalar dedi?
Erdo‘g‘on: «Isroil Gitlerdan ham o‘tib ketdi»
Nega Tramp Zelenskiyni yomon ko‘radi?
Sirdaryoda budjetga juda ko‘p miqdorda zarar yetkazgan mayning ferma aniqlandi
Dunyodagi eng boy arab shayxining rafiqasi qanday ko‘rinishga ega?
Ozish uchun nonushtaning uchta oltin qoidasi
Abbosbek Fayzullayevning qachon Qatarga borishi aniq bo‘ldi!
