20:47 / 19.09.2021
1 152

Davron Choriyev: "Keyingi bosqichda raqibning kimligi emas, muhimi ishonch"

Davron Choriyev: "Keyingi bosqichda raqibning kimligi emas, muhimi ishonch"
O‘zbekiston futzal terma jamoasi kecha Jahon chempionati guruh bosqichida Misrni mag‘lub etib keyingi bosqichga yo‘llanma oldi.
Ushbu uchrashuvdan so‘ng terma jamoamizning yetakchilaridan biri Davron Choriyev fikrlari bilan o‘rtoqlashdi.

- Dastlab guruh bosqichi taasurotlari bilan o‘rtoqlashsangiz. Gvatemala bilan o‘yindan so‘ng terma jamoamiz qiyin holatda qolgandi. Ishonch pasaydi, tanqidlar yog‘ildi. Lekin Rossiya bilan o‘yinda kutilganidanda yaxshi o‘ynadinglar. Misr yutish orqali navbatdagi bosqich yo‘llanmasi qo‘lga kiritildi...
- Musobaqaga yaxshi tayyorgarlik ko‘rilgandi. Bevosita guruh bosqichi borasida fikr bildiradigan bo‘lsam, birinchi uchrashuvdan so‘ng qiyin vaziyatga ro‘baro‘ keldik. Gvatemalani yutishimiz kerak edi, deb o‘ylayman. To‘g‘ri tanqid qilganlar ham bo‘ldi. Lekin ko‘pchilik oxirigacha ishonch bildirib duoda bo‘lganlar ham bo‘ldi.

- Misr bilan bahsda oldingi o‘yinlarda o‘xshamagan nima o‘xshadi?
- Misr bilan o‘yinga kelib hayajonlar ancha bosildi. Murabbiylar shtabi to‘g‘ri ko‘rsatma bera olishdi. Shu omillar bizga katta yordam berdi.

- Futzal terma jamoamizdan bundan ortig‘ini kutishimiz mumkinmi yoki bu bor imkoniyatimizmi?
- Biz hozirda minimum vazifani bajardik. G‘alabalarni davom ettirishga harakat qilamiz.

- Navbatdagi bosqichda Argentina yoki Erondan biri bizga raqiblik qiladi. Qaysi terma jamoa bilan to‘qnash kelishimizni istayapsiz?
- Raqib kimligi emas, muhimi o‘zimizga bo‘lgan ishonch. Ikki terma jamoa bilan ham o‘ynash mumkin, deb bilaman. Fursatdan foydalanib futzalni rivojiga katta hissa qo‘shayotgan O‘FA, saytingizga, muxlislarga, vatandoshlarimizga, oila a’zolarimga katta rahmat aytmoqchiman. Jamoadagi ichki muhitning yaxshi ekanligida sizlarning o‘rningiz beqiyos.

Abdulaziz Iskandarov yozib oldi.


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Sport » Davron Choriyev: "Keyingi bosqichda raqibning kimligi emas, muhimi ishonch"
[/banner_pushhouse