Superliga. «So‘g‘diyona» o‘z uyida «Paxtakor»ni taslim etdi

^{Foto: «So‘g‘diyona»}
Futbol bo‘yicha O‘zbekiston chempionatining 23-turidan o‘rin olgan navbatdagi o‘yin 24 oktabr, yakshanba kuni bo‘lib o‘tdi.
«So‘g‘diyona» o‘z uyida «Paxtakor»ni qabul qildi va 1:0 hisobida g‘alaba qozondi. Uchrashuvning 53-daqiqasida Shahboz Jo‘rabekov tomonidan kiritilgan gol yagonaligicha qoldi.

Uchbu g‘alabadan so‘ng «So‘g‘diyona» ochkolari sonini 43 taga yetkazib oldi va 2-o‘rinda bormoqda. «Paxtakor» esa 54 ochko bilan 1-o‘rinda.
Eslatib o‘tamiz, «sherlar» o‘tgan turda chempionlik masalasini muddatidan avval hal qilgandi.

«So‘g‘diyona» — «Paxtakor» 1:0
Gol: 1:0 — 53 Jo‘rabekov
«So‘g‘diyona»: 27. Milan Mitrovich, 4. Elyor Orifov, 5.Ayubxon No‘monov, 6. Iskandar Shoyqulov (18. Darko Stanoyevich, 70), 8. Jamshid Boltaboyev, 10. Shohruz Norxonov (77. Sahob Rashidov, 89), 11. Jasur Hasanov (28. Ergash Ismoilov, 89), 17. Shahboz Jo‘rabekov, 19. Javohir Qahramonov (20. Bahodir Nasimov, 76), 31. Luka Chermel, 93. Marko Kolakovich.
«Paxtakor»: 25. Eldorbek Suyunov, 8. Azizbek Turg‘unboyev (63. Muhammadali O‘rinboyev, 88), 11. Boyan Matich, 14. Humoyunmirzo Iminov (9. Sherzod Temirov, 77), 16. Marlen Chobanov, 17. Doston Hamdamov (99. Po‘latxo‘ja Xoldorxonov, 88), 21. Abrorbek Ismoilov, 23. Sherzod Azamov (19. Sharof Muhiddinov, 21), 27. Sardor Sobirxo‘jayev, 34. Farrux Sayfiyev, 88. Shahzod Azmiddinov.
Ogohlantirishlar: No‘monov (10), Baqoyev (12), Norxonov (12), Ismoilov (28), Suyunov (51), Chobanov (51), Xoldorxonov (90+4).
Chetlatish: Chobanov (90+2). “Zamin” yangiliklarini “Facebook”da kuzatib boring