16:43 / 07.06.2018
3 516

O‘zbekistonda ilk kobeyjing plastik kartalari 1 iyuldan chiqariladi

O‘zbekistonda ilk kobeyjing plastik kartalari 1 iyuldan chiqariladi
Foto: «Uzcard.uz»
Ilk kobeyjing plastik kartalari O‘zbekistonda 1 iyuldan chiqariladi, deb xabar bermoqda Daryo Yagona umumrespublika protsessing markaziga tayanib.

Yaqinda markaz Xitoyda UnionPay International bilan kobeyjing kartalarini chiqarish bo‘yicha birinchi shartnomani imzolagan. Ma’lum bo‘lishicha, UnionPay kobeyjing kartalari chiqariladigan birinchi bank «Aloqabank» bo‘ladi.

Imzolangan shartnoma kobeyjing kartalarini UzCard to‘lov tizimi ostida O‘zbekistonda ham, UnionPay International to‘lov tizimi ostida esa chet elda ham ishlatish imkonini beradi.

UzCard kartalarini qabul qiluvchi barcha bankomatlar xalqaro sertifikatsiyadan o‘tib, UnionPay kartalariga xizmat ko‘rsatishga tayyorlanmoqda.

Endi turistlar UnionPay kartalari bilan bankomatlar orqali mahalliy valyutani naqdlashtirib olishi va POS-terminallar orqali to‘lovlarni o‘tkazishi mumkin bo‘ladi.
Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)