14:58 / 08.07.2018
3 441

Microsoft Andromeda taxlama plansheti endi chiqmaydimi?

Microsoft Andromeda taxlama plansheti endi chiqmaydimi?
So‘nggi paytlari Microsoft’ning taxlama ekranli allaqanday sirli qurilmasi haqida ko‘p gap-so‘zlar tarqalgandi. Ammo, bu hali qurilma yaqin orada chiqadi, degani emas ekan. Taniqli IT-eksperti Meri Jo Folining ma’lum qilishicha, kompaniya qayta tashkil qilinganidan keyin Andromeda loyihasining kelajagi suroq ostida qoladigan bo‘ldi.

Andromeda taxlangan holatda cho‘ntakka sig‘adigan planshet bo‘lishi ko‘zda tutilgan edi. Bu smartfonning o‘rnini bosmasdi, albatta, garchi qurilma mobil tarmoqlarida ham ishlasa-da. Unda platforma sifatida AndromedaOS’ dan foydalanish rejalashtirilgan edi, ya’ni Microsoft Store do‘konidan universal ilovalarni qo‘llab quvvatlaydigan Windows 10’ning modifikatsiyalashtirilgan versiyasi bo‘yicha.

Xabarda ta’kidlanishicha, ayni paytda Microsoft rahbariyatini bunday qurilma haqiqatan ham bozorga kerakmikan, degan savol qiynayapti. Ko‘pchillik foydalanuvchilarda smartfon ham bor, kompyuter/planshet ham bor, shunday ekan, ular yana bir qimmat qurilmani xarid qilishiga ishonish qiyin. Birgina Windows fidoyilariga ishonib qolish? Yo‘q, kompaniya bunga jazm qiloolmasa kerak.

Xullas, Andromeda 2018 yilda chiqmasligi aniq, hatto kelgusida ham chiqishi noma’lum.

Meri Djo Folining qo‘shimcha qilishicha, Microsoft hali ham Windows 10’da portativ kompyuterini chiqarish g‘oyasidan voz kechgani yo‘q. Shunchaki, Andromeda konsepsiyasining o‘zi o‘zgarishni boshdan kechiradi va smartfon kattaligidagi qurilma yanada kattaroq taxlama PK’ga aylanishi mumkin. U klassik sanalgan Win32-ilovasini qo‘llab-quvvatlaydi.

Manba: Terabayt

arenda kvartira tashkent


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Yangiliklar » Texno » Microsoft Andromeda taxlama plansheti endi chiqmaydimi?