AKT vazirligi qoshidagi Jamoatchilik kengashi O‘zbekistondagi aloqa operatorlari hamda internet provayderlari bilan ularni qiynayotgan muammolar va yechimini kutayotgan masalalar, ochiq savollar yuzasidan uchrashuv o‘tkazdi. Bu haqda vazirlik axborot xizmati xabar berdi.
Uchrashuvda «O‘zbektelekom» AK tomonidan hamda Aloqa, axborotlashtirish va telekommunikatsiya texnologiyalari sohasida nazorat bo‘yicha davlat inspeksiyasi ishtirokida hal qilinishi lozim bo‘lgan masalalar yaqindan tahlil qilindi.
Uchrashuvda xalqaro kanallarning o‘tkazuvchanlik darajasi bor-yo‘g‘i yarim yil ichida 1,5 barobar oshirilgani qayd etildi. Shu bilan birga, internet-kanallarning hamda IP-transport narx-navosini maqbullashtirish muhim masala bo‘lib qolayotgani ta’kidlandi.
«O‘zbektelekom» AK rahbariyati tomonidan 2018 yilning so‘ngiga qadar Internet-kanal narxi bosqichma-bosqich pasaytirilishi hamda mavjud sig‘imlar tezkorlik bilan kengaytiriladi. Shu bilan birga, kanallar arendasi uchun tariflarning pasaytirilish ham muhim vazifalardan biri bo‘lib turibdi. Qolaversa, «O‘zbektelekom» AK infratuzilmasidan ijaraga foydalanishning tarif va yagona tartib ham qayta ko‘rib chiqiladi.
Jamoatchilik kengashi muhokamalari natijasi bo‘yicha operator va provayderlar uchun vazirlik qoshida Ekspertlar kengashini tuzish taklifi ilgari surildi. Ekspertlar kengashi raisi Jamoatchilik kengashiga har oyda internet xizmatlari bozorini rivojlantirish va zarur muhitni yaratish uchun Internet provayderlarning takliflarini taqdim etib boradi.
Shuningdek, yig‘ilishda ayni paytda O‘zbekistondagi mintaqaviy telekommunikatsiya infratuzilmasini rivojlantirish bo‘yicha vazifalar tayyorlanayotgani, xususan, hududlarga optik tolali aloqa tarmoqlarini tortish masalasi diqqat-e’tiborda ekani qayd etildi. Jumladan, uchrashuvda aloqa tarmoqlarini abonentlarning ulanish nuqtasigacha tortish, ya’ni loyihalashtirishning «so‘nggi milya» tamoyili bo‘yicha zamonaviy yechimlaridan foydalanilayotgani aytildi.
Uchrashuv yakunida operator va provayderlarga hududlarda keng polosali internetga ulanish bo‘yicha vazirlikka o‘zlarining sarmoyaviy loyihalarini taqdim etish taklif qilindi.
“Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Zelenskiyga ukrainaliklar haqida kutilmagan yangilik aytildi
Damas uchun onlayn kontraktatsiya ochiladi
Zohida Umarova nima sababdan o‘g‘li va kelini bilan birga yashamasligini aytdi
Futzal. Osiyo Kubogi. Tojikiston Yaponiyani guruhda qoldirdi
Eron zarbasi katta zarar yetkazmadi, lekin Isroil baribir yutqazdi...
Germaniyaning Knauf kompaniyasi Rossiyadan butunlay chiqib ketishini tasdiqladi
Akademik Qodir G‘ulomov Qo‘shrabotda bo‘ldi
HAMAS yetakchisi: Isroil Rafahga kirsa, Falastin xalqi oq bayroqni ko‘tarmaydi
