08:26 / 19.12.2018
3 004

Toshkentda simsiz internetdan foydalanish nuqtalari soni 5 mingtaga yetkazilishi kutilmoqda

Toshkentda simsiz internetdan foydalanish nuqtalari soni 5 mingtaga yetkazilishi kutilmoqda
2019 yilning bahoriga qadar Toshkentda simsiz internet(Wi-Fi)dan foydalanish nuqtalari soni 5 mingtaga yetkazilishi kutilmoqda.

Axborot texnologiyalari va kommunikatsiyalarini rivojlantirish vazirligi xabariga ko‘ra, hozir poytaxtda bunday nuqtalarning umumiy soni 1200 ta.

Vazirlik kelgusida Toshkent Markaziy Osiyoda internetdan foydalanishning umumshahar miqyosida simsiz va keng polosali tarmog‘iga ega birinchi shahar bo‘lishini ma’lum qilgan.

Internetdan simsiz foydalanish tarmog‘i loyihasi SOLA brendi ostida "Asia Wireless Group" kompaniyasi tomonidan yaratilgan. Tizim tarmoqqa pulli va bepul ulanishni taklif etadi. Bepul kirish reklama roligini ko‘rib chiqishdan keyin taqdim etiladi. Tizim orqali Toshkent shahri aholisi va mehmonlari provayderning qamrovi doirasida istalgan vaqtda va istalgan joyda internetdan foydalanishlari mumkin.

"Asia Wireless Group" kompaniyasi kelgusida Toshkentda Wi-Fi shahar tarmog‘ini kengaytirish va Jizzax, Samarqand, Farg‘ona, Andijon, Namangan, Buxoro, Navoiy, Urganch va Qarshida 45 mingdan ortiq kirish nuqtalarini o‘rnatishni rejalashtirmoqda.

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Texnologiya » Toshkentda simsiz internetdan foydalanish nuqtalari soni 5 mingtaga yetkazilishi kutilmoqda
[/banner_pushhouse