Finlyandiyalik olimlar havodan yegulik tayyorlash mumkin bo‘lgan texnologiyani yaratdi

^{Foto: CNN}
Finlyandiyalik olimlar havodan yegulik tayyorlash imkonini beradigan texnologiyani yaratdi, deb xabar beradi «Korrespondent.net».
Solein — yangi mahsulot aynan shuday nomlangan bo‘lib, ixtirochilarning fikricha, undan go‘sht va sut mahsulotlari o‘rnida foydalanish mumkin.

Ma’lumotlarga ko‘ra, u uglerod dioksidi, mikroblar, suv, vitaminlar, shuningdek, mitti bioreaktordan tarkib topgan xuddi sariq un ko‘rinishiga ega.

Olimlarning aytishicha, undan ovqat tayyorlashda foydalanish mumkin. Solein texnologiyasining asosiy o‘ziga xosligi — uni ortiqcha xarajat va harakatlarsiz laboratoriya sharoitida yaratish mumkinligida.

Finlyandiya hukumati ixtirochilarga mazkur startapni rivojlantirish uchun besh million dollar ajratgan. Taxminlarga ko‘ra, mahsulot ikki yildan so‘ng bozorlarda paydo bo‘ladi. “Zamin” yangiliklarini “Odnoklassniki”da kuzatib boring