19:51 / 12.09.2016
6 595

13 sentyabr kuni O‘zbekistonda yomg‘ir va shamollar bo‘lishi kutilmoqda

13 sentyabr kuni O‘zbekistonda yomg‘ir va shamollar bo‘lishi kutilmoqda

13 sentyabr kuni O‘zbekistonning aksariyat hududlarida yomg‘ir yog‘ishi mumkin.

«O‘zgidromet» markazi xabariga ko‘ra, 13 sentyabrga o‘tar kechasi O‘zbekistonning tog‘li hududlarida havo harorati +6…+11 daraja, Qoraqalpog‘iston Respublikasi va Xorazm viloyatida +12…+17 daraja, Surxondaryo viloyatida +14…+19 daraja, Farg‘ona vodiysi viloyatlarida +16…+21 daraja, qolgan barcha hududlarida, xususan, Toshkent shahrida +18 darajagacha iliq bo‘ladi.

13 sentyabr kunduzi mamlakatning tog‘li hududlarida havo harorati +13…+18 daraja, Toshkent shahrida +25…+27 daraja, Qoraqalpog‘iston Respublikasi va Xorazm viloyatida +23…+28 daraja iliq, Surxondaryo, Andijon, Namangan, Farg‘ona viloyatlarida +27…+32 daraja, qolgan barcha hududlarda +30 darajagacha issiq bo‘lishi kutilmoqda.

13 sentyabrga o‘tar kechasi va 13 sentyabr kuni kunduzi Surxondaryo viloyatidan boshqa barcha hududlarda shamol tezligi soniyasiga 17—20 metrgacha kuchayishi mumkin. Bundan tashqari, O‘zbekistonning tog‘li hududlarida, Buxoro, Navoiy, Toshkent, Samarqand, Jizzax, Sirdaryo, Qashqadaryo, Andijon, Namangan, Farg‘ona viloyatlari va Toshkent shahrida yomg‘ir yog‘ishi ehtimoli bor.

arenda kvartira tashkent


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Yangiliklar » O‘zbekiston » 13 sentyabr kuni O‘zbekistonda yomg‘ir va shamollar bo‘lishi kutilmoqda