Toshkent, Zamin.uz — Fijduvonlik taniqli hunarmand Abdulla Narzullaev o‘n yil davomida olib borgan izlanishlaridan so‘ng sopol buyumlar sirtiga ishlov berishning qadimiy usulini qayta tikladi.
— Hozir kulollikda, asosan, oq qo‘rg‘oshin qo‘shilgan sirdan foydalaniladi, — deydi hunarmand. — Vaholonki, ilgari ota-bobolarimiz bu xom ashyoni tayyorlashning tabiiy usullaridan ham xabardor bo‘lishgan. Biz shundan kelib chiqib, osoriatiqalarni, ularning, asrlar o‘tsa-da, yorqin tovlanishi sir-sinoatini o‘rgandik, tajribalar o‘tkazdik. Tuyatovon, qirqbo‘g‘im, baliqko‘zi kabi butasimon o‘simliklar tanasini kuydirib, uning kuliga oqtosh qo‘shdik. Hosil bo‘lgan moddani xumdonda 1100 daraja haroratda pishirdik. Keyin uni tegirmondan o‘tkazib, suv qo‘shdik. Natijada zarur qorishma yuzaga keldi. Bunday sir bilan ishlov berilganda, sopol buyumlar rangi yanada yorqinlashadi, jilosi o‘zgacha bo‘ladi, tabiiylik yaqqol sezilib turadi.
Biz qayta tiklagan bu usul koshinkorlikda ham juda qo‘l keladi. Negaki, qadimiy obidalarni ta’mirlashda foydalaniladigan koshinlar yuzasiga shunday sir bilan ishlov berilsa, ular yillar davomida ohorini yo‘qotmaydi.
Manba: www.12news.uz “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
O‘zbekistonda zilzilaga tayyorgarlik kuchaytiriladi
«Real Madrid» ustozi Karlo Anchelotti kechagi g‘alabadan so‘ng nimalar dedi?
Erdo‘g‘on: «Isroil Gitlerdan ham o‘tib ketdi»
Nega Tramp Zelenskiyni yomon ko‘radi?
Zelenskiy: Rossiya Ukrainaning issiqlik energetikasini deyarli to‘liq yakson qildi
Qozog‘istonlik milliarderlar suv toshqinidan zarar ko‘rgan hududlarga mablag‘ ajratdi
Tadbirkorlarga qo‘llanadigan moliyaviy jarima kamaytiriladi
Dunyodagi eng boy arab shayxining rafiqasi qanday ko‘rinishga ega?
