ШҲТ бош қароргоҳида байроқлар туширилди » Ўзбекистон янгиликлари – Zamin.uz

ШҲТ бош қароргоҳида байроқлар туширилди

Узбекистон 3-09-2016, 11:14 1 522
ШҲТ бош қароргоҳида байроқлар туширилди

Шанхай ҳамкорлик ташкилотининг Пекин шаҳрида жойлашган асосий маъмурий органи — Котибиятда Ўзбекистон ҳукумати ва халқига ҳамдардлик ва бирдамлик билгиси сифатида ташкилотга аъзо давлатлар байроқлари туширилди. Бу ҳақда ШҲТ Котибияти сайтига асосланиб "Газета.uz" хабар берди.

3 сентябрдан Ўзбекистонда Биринчи Президент Ислом Каримовнинг вафоти муносабати билан уч кунлик мотам эълон қилинди.

«Ислом Абдуғаниевич Каримов — суверен Ўзбекистон Республикаси асосчиси ва унинг халқ томонидан сайланган биринчи Президентидир. У Шанхай ҳамкорлик ташкилотининг вужудга келишида иштирок этганлардан бири эди унинг олға ривожланишида улкан ҳиссасини қўшди. Ташкилотнинг янги турдаги нуфузли ва таъсирли халқаро бирлашмага айланишида унинг хизматлари улкан», — дейилади ШҲТ Котибияти хабарида.


Теглар: Islom Karimov

Zamin.uz нинг Telegram’даги расмий каналига обуна бўлиб, янгиликлардан хабардор бўлинг.