Пластик картани нақдлаштириш муаммосига ҳукумат диққатини қаратди » Ўзбекистон янгиликлари – Zamin.uz

Пластик картани нақдлаштириш муаммосига ҳукумат диққатини қаратди

  • Узбекистон
  • 27-11-2016, 01:42
  • 2 039
  • Пластик картани нақдлаштириш муаммосига ҳукумат диққатини қаратди

    22 ноябр санаси билан етиб келган 265-сонли ҳукумат телеграммасининг нусхасида товарларни пластик картага сотаëтганда қиммат нарх белгилаш каби ҳолатлар эътироф этилган, деб ёзмоқда Sof.uz сайти.

    Унда пластик карта орқали ҳисоб-китоб қилишда нақд пулга нисбатан 20-25 фоизга қиммат ҳақ талаб қилиниши аҳолининг ҳақли эътирозларига сабаб бўлаётганлиги айтиб ўтилган.

    Ушбу телеграмма Ўзбекистоннинг вилоятлари ҳокимларига ҳамда Қорақалпоғистон Республикаси Вазирлар Кенгаши раисига йўлланган. Шунингдек, Давлат солиқ қўмитаси раиси Б. Парпиев, Марказий банк раиси Муллажонов ва бошқа тегишли масъуллар номи келтириб ўтилади.

    Бу ҳужжатда пластик картани нақдлаштириш билан боғлиқ салбий ҳолатлар юз берган тақдирда ҳудуддаги раҳбарлар жавобгарликка тортилиши кўзда тутилган.

    Сўнгги йилларда пластик картани нақдлаштириш муаммоси пишиб етилганини кузатиш мумкин. Банкларда нақд пул етишмовчилиги одатий ҳолга айланган. Мамлакатнинг турли ҳудудларида жойлашган савдо марказлари пластик картага товарларни юқори нархда, нақд пулга эса паст нархда сотишни йўлга қўйган.