Янги йил байрами тадбирлари қачон бошланиши маълум қилинди

  • Узбекистон
  • 23-12-2016, 15:41
  • 1 358
  • Янги йил байрами тадбирлари қачон бошланиши маълум қилинди

    Шу кунларда Ўзбекистоннинг барча шаҳар ва туманларида Янги йил байрамини кўтаринки руҳда нишонлашга қизғин ҳозирлик кўрилмоқда. Туман ва шаҳарлардаги марказий хиёбонлар, майдонларда байрам арчалари ўрнатилиб, безатилмоқда.

    Тошкент шаҳрида Янги йил байрами маданий тадбирлари 2016 йил 28 декабрдан 2017 йил 8 январгача ўтказилиши белгиланган. Бу ҳақда Маданият ва спорт ишлари вазирлиги маълум қилди. Тадбирларда Ўзбекистон бадиий жамоалар ижодий бирлашмаси, «Ўзбекнаво” эстрада бирлашмаси санъаткорлари хамда пойтахтдаги театр ва цирк жамоалари, туманларда фаолият кўрсатаётган фольклор жамоалари иштирок этади.