Ўзбекистонда фармацевтика индустриал зоналари пайдо бўлади » Ўзбекистон янгиликлари – Zamin.uz

Ўзбекистонда фармацевтика индустриал зоналари пайдо бўлади

Узбекистон 6-01-2017, 22:21 602
Ўзбекистонда фармацевтика индустриал зоналари пайдо бўлади

Ўзбекистонда 4та фармацевтика индустриал зонаси (ФИЗ) ташкил этиш лойиҳаси таклиф этилмоқда. Бу ҳақдаги президент қарори лойиҳаси Ягона интерактив давлат хизматлари порталига муҳокама учун жойлаштирилган, деб хабар бермоқда Кун.уз сайти.

Ҳужжатда Сурхондарё вилоятининг Бойсун туманида «Бойсун-фарм», Тошкент вилоятининг Бўстонлиқ туманида «Бўстонлиқ-фарм», Жиззах вилоятининг Зомин туманида «Зомин-фарм» ва Сирдарё вилоятининг Сирдарё туманида «Сирдарё-фарм» индустриал зоналари ташкил этиш назарда тутилган.
Қарор маҳаллий хомашёлар асосида фармацевтика маҳсулотлари ишлаб чиқариш учун хорижий ва маҳаллий инвестицияларни жалб этиш, шу орқали аҳоли учун янги иш ўринлари ташкил этишга қаратилган.

Режага кўра, бундай индустриал зоналар муҳлати кейин узайтириш имконияти билан 30 йил этиб белгиланади. Бу муддат давомида индустриал зоналар ҳудудида солиқ ва бож тўловлари имтиёзлари амалда бўлади (инвестициялар ҳажмига қараб 3 йилдан 10 йилгача муддатга).


Zamin.uz нинг Telegram’даги расмий каналига обуна бўлиб, янгиликлардан хабардор бўлинг.