Дам олиш кунлари Ўзбекистоннинг барча ҳудудларида ёмғир ёғади » Ўзбекистон янгиликлари – Zamin.uz

Дам олиш кунлари Ўзбекистоннинг барча ҳудудларида ёмғир ёғади

Узбекистон 16-05-2015, 11:00 1 907
Дам олиш кунлари Ўзбекистоннинг барча ҳудудларида ёмғир ёғади

Дам олиш кунлари Ўзбекистон ҳудуди бўйлаб кучли жала хусусиятли ёмғирлар ёғади, баъзи жойларда момақалдироқ бўлиши кутилмоқда. Шамол 15-20 м/с гача кучаяди, деб хабар бермоқда Uz24.uz.

Гидрометеорология марказининг хабарига кўра, Тошкентда ҳаво ўзгариб туради, куннинг иккинчи ярмида ёмғир ёғади ва момақалдироқ бўлади. Ҳаво ҳарорати 26-28 даражани ташкил этади.

Қорақалпоғистон ва Хоразмда эрталаб ва кечқурун ёмғир ёғади. Ҳаво ҳарорати кундузи 22-27 даражага етади. Республикамиз жанубида жала ёмғир ёғади ва ҳарорат кундузи 25-30 даража бўлади. Бухоро ва Навоий вилоятларида 25-30, Самарқанд, Жиззах, Сирдарё вилоятларида 23-28 даража иссиқ бўлади.

Фарғона водийсида ҳам момоқалдироқ бўлиб, ёғингарчилик кузатилади. Ҳаво ҳарорати 25-30 даража иссиқ бўлиши кутилмоқда.

16-18 майда республиканинг тоғ олди ва тоғли ҳудудларида сел келиши хавфи бор.
loading...


Zamin.uz нинг Telegram’даги расмий каналига обуна бўлиб, янгиликлардан хабардор бўлинг.