7 781
Андижонда ўтган профилактика кунида 36 нафар ҳайдовчи транспорт воситасини маст ҳолатда бошқарганлиги аниқланди
Андижон вилоятида ўтказилган ҳуқуқбузарлик ва жиноятчиликнинг олдини олиш куни профилактик тадбирларида ички ишлар бошқармаси йўл ҳаракати хавфсизлиги бошқармаси ходимлари фаол иштирок этди. Бу ҳақда Кун.уз хабар бермоқда.
Унга 156 нафар йўл патруль хизмати инспектори ҳамда 32 та махсус хизмат автомашинаси жалб этилди. Андижон шаҳридаги “Жаҳон буюм ва ҳунармандчилик бозори”, “Янги бозор” ҳамда “Эски шаҳар” деҳқон бозорлари ҳудудида тарғибот-ташвиқот гуруҳи ходимлари фуқароларга йўлларда ҳаракатланиш қоидаларига қатъий амал қилиш, серқатнов кўчаларни кесиб ўтишда пиёдалар учун белгиланган жойлардан юриш кераклиги ҳақида кенг қамровли тушунтириш ишлари олиб борилди.
Шунингдек, профилактик тадбирлар давомида йўл патруль хизмати инспекторлари шаҳар-туман ИИБ ёнғин хавфсизлиги бўлинмалари ҳамда давлат солиқ инспекцияси ходимлари билан ҳамкорликда вилоят ҳудудида жойлашган 8 та автотранспорт воситаларини таъмирлаш устахонаси, 7 та йўловчи ташиш билан шуғулланувчи уюшма ҳамда 2 та автомобилларга газ қуйиш шохобчасининг ишчи-хизматчилари билан профилактик суҳбатлар ўтказилди.
- Тадбир давомида жами 4330 та транспорт воситаси текширувдан ўтказилди, - дейди Андижон вилояти ИИБ йўл ҳаракати хавфсизлиги бошқармаси бошлиғининг биринчи ўринбосари, капитан Шамсиддин Усмонов. - ЙПХ ходимларининг ҳушёрликлари билан 875 та қоидабузарлик аниқланди. Ушбу ҳолатларнинг 36 нафар ҳайдовчи транспорт воситасини маст ҳолатда бошқараётганлиги, 107 нафари тезликни белгиланган меъёрдан ошириш, 13 нафари ҳаракатланиш вақтида уяли алоқа воситасидан фойдаланиш, 16 нафари эса светофор ишораларига амал қилмасликни ташкил этади. Булардан ташқари, шу куни йўловчи ташиш қоидасини бузган 163 нафар, тегишли ҳужжатларсиз транспорт воситасини бошқарган 86 нафар ҳайдовчи ҳамда 439 нафар бошқа турдаги қоидабузарликлар содир этган шахслар аниқланиб уларга нисбатан маъмурий баённомалар расмийлаштирилди.
Ўтказилган тадбир давомида вилоят ҳудудидаги 163 та таълим муассасасида ўқувчи ва талабалар ўртасида йўлларда ҳаракатланиш қоидалари мавзусида очиқ мулоқот ҳамда давра суҳбатлари ўтказилиб, содир этилган йўл-транспорт ҳодисаларининг таҳлили ва унинг келиб чиқиш сабаблари муҳокама этилиб, аянчли оқибатлари акс эттирилган видеолавҳалар намойиш этилди. “Замин” янгиликларини “Youtube”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
«Крокус»даги ҳужум бўйича саккизинчи айбланувчининг исми ошкор қилинди
АҚШ Исроилдан юз ўгирдими? Нетаняҳу Вашингтонга бормайди
АҚШ полициячиларининг «ақлли қарори» Legoга маъқул келмади
Дубай ҳукмдорининг энг гўзал қизи қандай ҳаёт кечиради?
АҚШ элчиси: “Россия Украина пойтахтига гипертовушли ракеталар билан зарба берди”
Россия Ғазога 29 тоннадан ортиқ инсонпарварлик ёрдами жўнатди
Нетаняҳу Исроил делегациясининг АҚШга сафарини бекор қилди
Қаҳва ва саратон: олимлардан зўр янгилик!