07:34 / 18.01.2018
5 962

Улгуржи савдогарларга катта енгиллик берилди

Улгуржи савдогарларга катта енгиллик берилди
2018 йил 1 февралдан бошлаб улгуржи савдо корхоналарига лицензия олишда устав фондига йирик пул маблағи киритиш бўйича талаб бекор қилинади. Бу ҳақда Ўзбекистон Республикаси Президентининг бугун, 16 январь куни имзоланган "Мамлакатнинг озиқ-овқат хавфсизлигини янада таъминлаш чора-тадбирлари тўғрисида"ги фармонида таъкидланган.

Ҳужжатга кўра, улгуржи савдога лицензия олишда энг кам иш ҳақининг 3500 бараваридан кам бўлмаган миқдорда, шундан пул маблағлари энг кам иш ҳақининг 1200 бараваридан кам бўлмаган миқдорда шакллантирилган устав фонди мавжудлиги ҳақидаги талаб бекор қилинади.

2018 йил 1 февралдан эътиборан озиқ-овқат маҳсулотларининг режалаштирилаётган хариди ҳақидаги батафсил ахборот ҳар ой Ўзбекистон Республикаси Ягона интерактив давлат хизматлари порталида эълон қилиб борилади.

Эслатиб ўтамиз, илгарироқ Бухоро ҳокимлиги матбуот-хизмати эндиликда улгуржи савдогарларга лицензия олишда юридик шахс давлат рўйхатидан ўтганлиги ҳақидаги гувоҳномани тақдим этиш тўғрисидаги талаб ҳам бекор қилиниши ҳақида хабар берган эди.

Dasturlash foundation


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Ўзбекистон » Улгуржи савдогарларга катта енгиллик берилди