Ўзбекистоннинг ҳайдовчилик гувоҳномаси энди Жанубий Кореяда ҳам тан олинади » Ўзбекистон янгиликлари – Zamin.uz

Ўзбекистоннинг ҳайдовчилик гувоҳномаси энди Жанубий Кореяда ҳам тан олинади

Узбекистон 28-12-2015, 12:49 1 054
Ўзбекистоннинг ҳайдовчилик гувоҳномаси энди Жанубий Кореяда ҳам тан олинади

24 декабрдан Ўзбекистон ва Корея Республикаси ўртасидаги ўзаро Битим кучга кирди. Унга мувофиқ Ўзбекистоннинг ҳайдовчилик гувоҳномаси Корея Республикасида ҳам амал қилади. Бу ҳақда Carzone.uz хабар бермоқда.

Мазкур ҳужжат 2015 йилнинг 28 майида Сеулда имзоланган бўлиб, Ўзбекистон фуқароларига Жанубий Корея ҳудудида транспорт воситасини бошқариш ҳуқуқини беради. Энди Ўзбекистон фуқароларига Кореяда ҳайдовчилик бўйича назарий ва амалий имтиҳон топширишнинг ҳожати йўқ.

Корея фуқаролари учун бу тартиб бироз мураккаброқ. Корея Республикаси ҳайдовчилик гувоҳномаси, агар Корея Республикаси ваколатли органи томонидан қўйилган апостиль ҳамда Ўзбекистон Республикасидаги нотариал идора томонидан тасдиқланган ўзбек тилидаги таржимаси бўлган тақдирда, Ўзбекистон ҳудудида Ўзбекистон Республикаси ҳайдовчилик гувоҳномаси билан тенг равишда амал қилади..
loading...


Zamin.uz нинг Telegram’даги расмий каналига обуна бўлиб, янгиликлардан хабардор бўлинг.