Ҳиллари Клинтон давлат котиби вақтида Россияда махфий маълумотларни қолдирган » Ўзбекистон янгиликлари – Zamin.uz

Ҳиллари Клинтон давлат котиби вақтида Россияда махфий маълумотларни қолдирган

Дунё 24-09-2016, 14:26 898
Ҳиллари Клинтон давлат котиби вақтида Россияда махфий маълумотларни қолдирган

ФҚБ директори Жеймс Комининг сўзларига кўра, АҚШ президентлиги учун Демократик партия номзоди Ҳиллари Клинтон давлат котиби бўлиб ишлаган вақтларда махфий маълумотларга нисбатан "эҳтиётсизликка йўл қўйган", деб хабар қилмоқда "Кун" нашри.

АҚШ Федерал қидирув бюроси "почта иши" бўйича 189 саҳифани ошкор қилди. Унга кўра, Ҳиллари Клинтоннинг Россияга сафарларидан бирида, унинг ёрдамчиси қоидаларга зид равишда махфий маълумотлар битилган ҳужжатларни Клинтоннинг меҳмонхонасига олиб келади. Шундан сўнг, Клинтон ва унинг ёрдамчиси хонани тарк этгач, дипломатик қўриқлаш хизмати ходимлари давлат сирига оид ҳужжат қолиб кетганини аниқлашади.

Эслатиб ўтамиз, собиқ давлат котиби хизматдалик вақтида хусусий почта серверидан фойдаланганликда айбланади. Бу назарий жиҳатдан хизмат ёзишмаларини жамоатчиликдан яширган бўлса-да, аслида махфий маълумотларнинг ўғирланишига имкон берар эди.


Zamin.uz нинг Telegram’даги расмий каналига обуна бўлиб, янгиликлардан хабардор бўлинг.