ОАВ Украинанинг собиқ бош вазири Майамида 24 та вилла сотиб олганини маълум қилди » Ўзбекистон янгиликлари – Zamin.uz

ОАВ Украинанинг собиқ бош вазири Майамида 24 та вилла сотиб олганини маълум қилди

Дунё 1-12-2016, 00:33 559
ОАВ Украинанинг собиқ бош вазири Майамида 24 та вилла сотиб олганини маълум қилди

Украина ОАВда Украинанинг собиқ бош вазири Арсений Яценюк томонидан АҚШнинг Флорида штатида бир нечта вилла сотиб олингани ҳақидаги хабар пайдо бўлди. Бу ҳақда украиналик тадбиркор Олег Торгалога иқтибос келтирган ҳолда "Кун" нашри ёзган.

Торгалонинг айтишича, Яценюк Майамига учиб келиб, нархи бир миллион доллардан 5 миллион долларгача бўлган 24 та кўчмас мулк объекти сотиб олган. Тадбиркор бу хабарни беришда Майамида яшовчи ва ўн йилдан кўпроқ кўчмас мулк сотиш билан шуғулланувчи дўстига иқтибос келтирмоқда.

"У менга ўзини ақлбовар қилмас хавфларга қўйган, Майданимиз қаҳрамони Арсений Яценюк ҳақида сўзлаб берди. Аниқланишича, у яқинда Майамига учиб келган ва 24 та объект (вилла) сотиб олган. Ҳамма объектларни каталоглар бўйича танлаган, баъзиларини ўзи кўрган, баъзиларига эса ёрдамчиларини юборган", деб ёзган Торгало фейсбукда.

Торгало ушбу ахборот "аниқлигини" ва бу хабар учун тўлиқ жавоб беришини таъкидлаб ўтган. Бундан ташқари, Торгало Яценюкнинг АҚШдаги бу фаолияти билан боғлиқ ҳолда журналистик тергов ташкиллаштиришга ваъда берган.


Zamin.uz нинг Instagram’даги расмий каналига обуна бўлиб, янгиликлардан хабардор бўлинг.