АҚШнинг 17 та штати расмийлари Барак Обамани судга берди » Ўзбекистон янгиликлари – Zamin.uz

АҚШнинг 17 та штати расмийлари Барак Обамани судга берди

Дунё 4-12-2014, 13:15 1 650
АҚШнинг 17 та штати расмийлари Барак Обамани судга берди

АҚШ президенти Барак Обама томонидан имзоланган мамлакатдаги миллионлаб ноқонуний муҳожирларни қонунийлаштириш тўғрисидаги фармонни ноқонуний деб ҳисоблаган 17 та штат расмийлари федерал ҳукуматни судга берди, Бу ҳақда «ТАСС»га асосланиб «Daryo» нашри хабар бермоқда.

«Президент ўзининг Конгресс томонидан тегишли тартибда қабул қилинган қонунларнинг ижросини кузатиш мажбуриятини инкор қилиб ва иммиграция қонунларини қайтадан ёзишга уринмоқда. Аслида унинг бундай ваколати йўқ», − деди ушбу ташаббус муаллифларидан бири, Техас бош прокурори Грег Эбботт.

Обама АҚШ конституциясини бузди деб ҳисоблаётган штатлар ҳукуматлари суд унинг фармонини блоклаб қўйишини истамоқда. Шунингдек, даъвогарлар «амнистия» тўғрисидаги қарор мамлакат жанубий чегарасидаги гуманитар инқирозни янада чуқурлаштиришидан хавотирланмоқда.

Фото: www.nbcnews.com


Zamin.uz нинг Telegram’даги расмий каналига обуна бўлиб, янгиликлардан хабардор бўлинг.