Хитой пойтахтида ҳавонинг кучли ифлослангани туфайли кўчаларга чиқмаслик тавсия этилди » Ўзбекистон янгиликлари – Zamin.uz

Хитой пойтахтида ҳавонинг кучли ифлослангани туфайли кўчаларга чиқмаслик тавсия этилди

Дунё 11-12-2016, 22:17 452
Хитой пойтахтида ҳавонинг кучли ифлослангани туфайли кўчаларга чиқмаслик тавсия этилди

Хитой пойтахтида икки кун давомида ҳавонинг сезиларли даражада ифлосланиши оқибатида юқори экологик хавф сақланиб қолади. Бу ҳақда Пекин экология маркази маълум қилди, деб хабар беради «Дарё».

Ташкилотга кўра, 11 декабрь, якшанба куни RM2,5 зарраларининг ҳаводаги миқдори меъёрдагидан 10 баробар кўпайиши кузатилади. Мутахассислар шу куни ва эртасига кўчага чиқмасликни маслаҳат берди. Саломатлиги, айниқса юрак-қонтомир тизимида муаммолар бўлган кишиларга жисмоний зўриқишдан тийилиш тавсия этилган.

Тахминларга кўра, Пекинда ҳаво сифати 13–14 декабрь кунлари одатий ҳолатга қайтади.


Zamin.uz нинг Instagram’даги расмий каналига обуна бўлиб, янгиликлардан хабардор бўлинг.