Филиппинда 8 киши қароқчилар ҳужуми қурбони бўлди » Ўзбекистон янгиликлари – Zamin.uz
10-01-2017 | 18:25 ZAMIN.UZ / Дунё / 10 Январ 2017
236

Филиппинда 8 киши қароқчилар ҳужуми қурбони бўлди

Филиппинда 8 киши қароқчилар ҳужуми қурбони бўлди

Филиппин жанубида 8 нафар балиқчи қароқчилар ҳужуми қурбони бўлди. Бу ҳақда мамлакат қирғоқ ҳимояси вакили Арманд Балило маълум қилди, дея хабар беради «Дарё».

Бортида 15 киши бўлган балиқчилик кемасига Филиппиннинг Замбоанга ярим ороли яқинида 5 кишидан иборат қуролланган гуруҳ ҳужум қилди.

Улар балиқчиларга қарата ўт очди. Бунинг оқибатида 8 киши ҳалок бўлди, 5 киши яраланди, икки киши омон қолди. Биз ҳужумни қароқчилар уюштирган деб ҳисоблаймиз, жангарилар гаров пули ундириш учун одамларни асирликка олган бўларди.

Арманд Балило, Филиппин қирғоқ ҳимояси вакили


Ҳужум қилган гуруҳ яширинишга улгурди, уларни қидиришга кемалар жўнатилди.

Zamin.uz нинг Telegram’даги расмий каналига обуна бўлиб, янгиликлардан хабардор бўлинг.