Рим католик черкови раҳбари папа Фрасиск Доналд Трампнинг АҚШ президентлигига сайланиши ва дунё сиёсати борасида фикрларини билдириб ўтди, дея хабар бермоқда Sof.uz сайти.
Папа Испаниянинг Эл Паис газетасига берган интервьюсида Доналд Трамп ҳақида фикр билдиришга ҳали эрта эканлигини айтган: “Кўрайликчи, нима бўлар экан? Кўрайликчи, нима қилар экан? Кейин баҳо берамиз”.
Европа ва Америкада популисм сиёсати кучайиб бораётганига тўхталар экан, папа Франсиск бундан ўз ташвишини изҳор қилган. Популистик сиёсат дунёга янги Гитлерни олиб келиши мумкинлигидан огоҳлантирган. Бундай «халоскор» эса инсоният учун кучли таҳдид бўлиши аниқ: “Албатта, инқирозлар қўрқув ва ташвиш уйғотмоқда. Популизмнинг европача намунаси 1933 йилдаги Германия бўлади. Германияга ўзлигини қайтарадиган етакчи керак эди. Адолф Гитлер ҳокимиятни куч билан эгаллаб олмади. Уни халқ сайлаган эди. Кейин эса ўз халқини яксон қилди”.
Рим папаси Трампнинг Мексика билан чегарага деворлар ва тиканли сим билан тўсиқ ўрнатишга оид ваъдаларини танқид қиларкан, немислар ҳам бошқа миллатларга қарши шундай тўсиқлардан фойдаланишга уринганини эслатиб ўтган.
Папа Франсиск олдин ҳам Доналд Трампни тандиқ қилган ва шундай деган эди: “Кўприклар барпо этиш ўрнига, қаерга бўлмасин, деворлар қуриш ҳақида ўйлайдиган одам христиан эмас”.
Сўнгги йилларда Европада ҳам популизм кучая бошлагани кўзга ташланмоқда. Ишсизлик, камбағаллик ва миллионлаб муҳожирлар оқими Франция, Белгия ва Германияда исломофобик кайфиятдаги партиялар мавқейи ошишига сабаб бўлган. “Замин” янгиликларини “Youtube”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Ўзбекистонда ўтган уч ойда қанча автомобиль ишлаб чиқарилган?
Америкалик олимлар барча учун бирдек фойдали жисмоний фаоллик турини аниқлади
Қайси кундалик одатлар иммунитет пасайишига олиб келишини биласизми?
Россия дунёдаги биринчи водород ёқилғили автомобилни тақдим этди
Эрон президенти жиддий баёнот берди: «Исроилдан ҳеч нарса қолмайди»
ҲАМАС етакчиси: Исроил Рафаҳга кирса, Фаластин халқи оқ байроқни кўтармайди
Сариқми ёки яшил: қайси турдаги банан фойдалироқ?
Германияда мактаб ўқувчилари оммавий равишда ислом динини қабул қилмоқда