08:57 / 13.03.2017
6 621

Хитойда дунёдаги энг катта радиотелескоп сайёҳлар учун очилди

Хитойда дунёдаги энг катта радиотелескоп сайёҳлар учун очилди

Хитойнинг Гуйчжоу вилоятидаги тоғли ҳудудда жойлашган дунёдаги энг катта радиотелескоп FAST (Five hundred meter Aperture Spherical Telescope) сайёҳлар бепул ташриф буюриши учун очилди. Бу ҳақда "Синьхуа" ахборот агентлигига таяниб Кун.уз хабар бермоқда.

FAST 2016 йил сентябрда ишга туширилганди.

Маълум қилинишича, телескоп нормал ишлаши учун ундан 5 км лик радиусда "жимлик ҳудуди" жорий қилинган бўлиб, бу ерда мобил телекоммуникация қурилмаларининг барча сигналлари блокланади. Шу сабабли томоша майдончасига киришдан олдин сайёҳлар мобил телефонлари, рақамли фотоаппаратлари, смарт-билакузуклари ва бошқа электрон қурилмаларни топширишлари керак.

Телескопнинг ташриф буюриш ҳудудида бир нечта телефон будкаси ўрнатилган бўлиб, сайёҳлар улардан Хитой ичида бепул қўнғироқ амалга оширишлари мумкин.
Телескопни кўргани ҳар куни 2 минг кишигина кела олади. Маълум қилинишича, бу ҳудудда ягона пуллик хизмат махсус шаттлда сафар қилиш ва астрономия музейига ташриф буюриш ҳисобланади Сайёҳлар автобусга 50 юан (7 доллар) ва музейга кириш учун ҳам шунча пул тўлашлари керак бўлади.

Улкан радиотелескоп қуриш ғояси хитойлик мутахассислар томонидан 1994 йил билдирилган. Майдони 30 та футбол майдонига, периметри 1,6 км га, диаметри 500 метрга тенг бўлган телескопнинг қурилиши 2011 йил март ойида бошланган. Телескоп тоғда жойлашган. Телескопга қилинган сармоя қиймати 1,2 млрд юанга (180 млн доллар) баҳоланган.

arenda kvartira tashkent


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Дунё » Хитойда дунёдаги энг катта радиотелескоп сайёҳлар учун очилди