09:16 / 23.03.2017
5 985

Лондон метросидан йўловчилар шошилинч эвакуация қилинди

Лондон метросидан йўловчилар шошилинч эвакуация қилинди
Лондон метросининг Шимолий Гринвич станциясидаги йўловчиларни шубҳали буюм ҳақидаги хабарлар сабабли зудлик билан эвакуация қилишга тўғри келди. Бу ҳақда Кун.уз хабар бермоқда.

Таъкидланишича, шу сабабли станция йўналишидаги ер усти транспорти ҳаракати ҳам вақтинчалик тўхтатилган.

Эслатиб ўтамиз, 22 март куни Лондонда сайёҳлар ўртасида оммалашган жойлардан бири – Британия парламенти биноси ёнида теракт содир этилди. Вестминстер кўприги бўйича ҳаракатланган автомобиль пиёдалар йўлакчасига чиқиб, бир неча кишини уриб кетган. Сўнгра ҳайдовчи парламент биноси ёнигача борган ва бу ерда полиция томондан тўхтатилган. Пичоқ билан қуролланган террорчи уни тўхтатган полициячига ҳужум қилган. Полициячи олинган жароҳатлардан ҳалок бўлган.

Охирги маълумотларга кўра, теракт оқибатида 5 киши ҳалок бўлган, 40 киши жароҳатланган. Террорчининг ўзи бошқа полициячилар томонидан бартараф этилган.

Dasturlash foundation


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Дунё » Лондон метросидан йўловчилар шошилинч эвакуация қилинди